Eslami: Amerikanyň Birleşen Ştatlary ähli sanksiýalary ýatyrmalydyr
Eýranyň Atom Energiýasy Guramasynyň başlygy: Amerikanyň Birleşen Ştatlarynyň nädogry syýasatlaryny düzetmeginiň we ilki bilen ähli sanksiýalary amaly, täsirli we barlap boljak derejede aýyrmagyň wagtynyň gelendigini aýtdy.
Eýranyň Atom Energiýasy Guramasynyň başlygy we prezidentiň orunbasary "Muhammet Eslami" duşenbe güni Halkara Atom Energiýasy Guramasynyň 65-nji umumy konferensiýasynda Halkara Atom Energiýasy Guramasynyň öz düzgünnamasyna laýyklykda ýadro energiýasyny parahatçylykly peýdalanmagyň ösüşi ugurynda parh goýmakdan saklanyp agza ýurtlara kömegi bermekde borçlydygyny aýtmak bilen agentlik agza ýurtlara bilimleri, tejribe paýlamak we hiç hili diskriminasiýa ýa-da syýasy iş bolmazdan tehnologiýa we enjamlary geçirmek arkaly durnukly ösüş maksatlaryna ýetmekde kömek etmelidir diýdi.
Eslami şeýle-de Eýran IAEA bilen hemişe hyzmatdaşlyk edýär, ýöne Halkara Atom Energiýasy Guramasynyň syýasy işlerden saklanmagy we garaşsyzlygyny, bitaraplygyny we hünär derejesini saklamagy zerurdyr diýdi.
Eýranyň Atom Energiýasy Guramasynyň başlygy şeýle-de Eýran Yslam Respublikasy tarapyndan öňegidişlikdäki päsgelçilikleri aýyrmak üçin ylalaşylan Bilelikdäki Hereket meýilnamasy (ýadro ylalaşygy) Eýran Yslam Respublikasynyň hoşniýetliliginiň aýdyň mysaly bolup, ABŞ ýadro ylalaşykdan çykyp BMG Howpsuzlyk Geňeşiniň 2231 kararyny birtaraplaýyn syýasat alyp barmak bilen bozdy.
Eýranyň Atom Energiýasy Guramasynyň başlygy sözüniň dowamynda, Eýranyň, 1974-nji ýyldan bäri Günbatar Aziýada ýadro ýaragsyz zonanyň döredilmeginiň başlangyjy hökmünde Sionist režiminiň gizlin harby ýadro programmasy barada çynlakaý alada bildirýändigini hem aýtdy.
