Hatibzadehiň ABŞ-nyň Eýrana garşy girizen täze sanksiýalaryna reaksiýasy
Eýranyň Daşary işler ministrliginiň metbugat sekretary ABŞ-nyň alty adama we Eýranyň bir edarasyna garşy girizen sanksiýalaryna we fransuz kärdeşiniň Yslam respublikasynyň ýadro programmasy baradaky sözlerine reaksiýa bildirdi.
IRNA habar gullugynyň anna güni beren habaryna görä, Eýranyň Daşary işler ministrliginiň metbugat sekretary Said Hatibzadeh ABŞ-nyň saýlawlaryna goşulmak baradaky galp bahana bilen 6 adama we Eýranyň bir edarasyna garşy girizilen täze sanksiýalar barada: Eýran Yslam Respublikasy, ABŞ-nyň täze sanksiýalaryny, Trumpyň iň ýokary basyşynyň we umytsyz we bikanun hereketleriniň şowsuz syýasatynyň dowamy bilýär we ony ýazgarýar diýdi.
ABŞ-nyň Gazna ministrligi penşenbe güni ABŞ-nyň 2020-nji ýyldaky prezident saýlawlaryna täsir etmek bahanasy bilen alty sany eýranly we bir eýranly guramany sanksiýalar sanawyna goşandygyny habar berdi.
Eýranyň Daşary işler ministrliginiň metbugat sekretary, Fransiýanyň Daşary işler ministrliginiň metbugat sekretarynyň soňky aýdanlary baradaky soraga jogap berdi: Eýran Yslam Respublikasy, Halkara Atom Energiýasy Guramasynyň jogapkär agzasy hökmünde IAEA-nyň Birleşen Milletler Guramasynyň tehniki we ýöriteleşdirilen organy statusynyň haýsydyr bir syýasy hereketden azat bolmalydygyny hemişe nygtap gelýär.
Fransiýa penşenbe güni Halkara Atom Energiýasy Guramasynyň (IAEA) Dolandyryjylar Geňeşinden indiki hepde (24-nji noýabr) geçiriljek mejlisinde Eýrana güýçli sargyt iberilmegini isledi.
Fransiýanyň Daşary işler ministrliginiň metbugat sekretary Anne Kleýr Legendre gündelik ýygnakda Eýranyň Halkara Atom Energiýasy Guramasyna beren borçnamalaryna haýal etmän gaýdyp gelmelidigini we IAEA bilen hyzmatdaşlygy dowam etdirmelidigini we IAEA Geňeşine doly boýun bolmalydygyny aýtdy.
