Eýran bilenTürkiýe Tähran-Ankara hyzmatdaşlygy resminamasynyň gutarmagyny nygtadylar

Eýran we Türkiýe mejlisleriniň başlyklary ikitaraplaýyn hyzmatdaşlygyň derejesini ýokarlandyrmaga we Tähran-Ankaranyň giňişleýin hyzmatdaşlyk resminamasyny gutarmaga ünsi çekdiler.

IRNA habar gullugynyň habaryna görä, Eýranyň mejlis başlygy "Muhammet Bager Galibaf" şu gün (penşenbe) Türkiýe Mejlisiniň başlygy "Mustafa Şentop" bilen duşuşanda Eýran bilen Türkiýäniň ýakyn hyzmatdaşlygyň üsti bilen sebit we halkara derejesinde gowy täsir edip biljekdigine ynanýarys diýmek bilen ýakyn geljekde iki ýurduň arasyndaky strategiki ylalaşyk gutarar we Eýran-Türkiýe gatnaşyklaryny ösdürmegiň ýol kartasy kesgitlener diýip umyt edýärin diýdi.

Galibaf, Eýran bilen Türkiýäniň arasyndaky ýakyn ikitaraplaýyn hyzmatdaşlygyň sebitleýin we halkara ösüşlerde täsirli rol oýnaýandygyny aýtmak bilen iki ýurduň arasynda köp umumy gyzyklanmalar bar we bu gyzyklanmalary we iki ýurduň täsirli roluny göz öňünde tutup, daşary ýurt güýçleri bu hyzmatdaşlyga we iki ýurduň arasyndaky gatnaşyklary ösdürmäge razy däldirler diýdi.

Galibaf ABŞ-nyň Eýrana bolan duşmançylygynyň we soňky döwürde Türkiýä edilýän basyşlaryň iki ýurduň güýjüne we pozisiýasyna, Eýranyň we Türkiýäniň sebitdäki täsirine düşünmekden ybaratdygyny aýtmak bilen Eýran-Türk parlament dostluk toparlarynyň Siriýa we Yrak meselelerini çözmekde tutýan ornuna ünsi çekdi we has işjeň bolmagyň zerurdygyny aýtdy.

Bu ýygnakda Mustafa Şentop musulmanlaryň hukuklary baradaky komitetiň döredilmegine ünsi çekip: Palestina meselesi hemişe Türkiýäniň gün tertibinde durýar we biz ony sebitleýin we halkara ýygnaklarda  ara atýars diýdi.

Ol şeýle-de ABŞ-nyň Eýrana garşy bir taraplaýyn sanksiýalaryna garşy çykýarys we Wena gepleşikleriniň üstünlikli boljakdygyna umyt edýäris diýdi.

"Palestina, immigrasiýa we Owganystan" atly esasy mowzuk bolan Yslam Hyzmatdaşlyk Guramasynyň Mejlislerara bileleşigi 9-njy we 10-njy dekabrda Türkiýäniň Mejlisi tarapyndan Stambulda geçiriýär.