Raisi: Tebigy gaz dünýäniň energiýa geljegini emele getirýär
Eýran Yslam Respublikasynyň Prezidenti Katarda gaz eksport edýän ýurtlaryň mejlisinde: "Tebigy gaz dünýä energiýasynyň geljegini emele getirýär we jemgyýet üçin möhüm energiýa çeşmesidir" -diýdi.
Gaz eksport edýän ýurtlar assambleýasynyň (GECF) altynjy ýygnagy şu gün (sişenbe) Eýran Yslam Respublikasynyň Prezidenti Seýid Ebrahim Raisiniň, agza döwletleriň baştutanlarynyň we wekilleriniň gatnaşmagy we Kataryň emiriniň çykyşy we" dünýä energiýasynyň howpsuzlygy" ady bilen resmi tärde başlandy.
Ýygnaga Eýranyň, Algeririň, Müsüriň, Liwiýanyň, Nigeriýanyň, Kataryň, Russiýanyň, Wenesuelanyň, Trinidadyň we Tobagonyň prezidentleri, premýer-ministrleri we energiýa ministrleri, şeýle hem Azerbaýjan, Yrak, Malaýziýa, Norwegiýa, Peru we Birleşen Arap Emirlikleri ýaly ýurtlar synçy höküminde gatnaşdylar.
Agza döwletler dünýä gaz söwdasynyň 45% -ini we subut edilen global gaz gorlarynyň 65% -ini bilelikde özünde jemleýär.
Eýran Yslam Respublikasynyň prezidenti Seýid Ybraýym Raisi şu gün irden (sişenbe) gaz eksport edýän ýurtlaryň baştutanlarynyň sammitiniň altynjy ýygnagynda eden çykyşynda, agza döwletler adynda öz maksadymyzy açyk beýan etmelidiris diýmek bilen Bu forumyň maksady, agza döwletleriň özygtyýarlylygyny goramak we tebigy gaz gözlemek üçin mundan beýläk köpräk hyzmatdaşlyga şet döretmekdir diýip yglan etdi.
