Dolandyryjylar geňeşiniň Eýrana garşy karary
Günbatarlylar, Eýranyň üç ýadro merkezinde ýadro materialynyň tapylmagy baradaky galp talaplary bilen bu karary tassyklandyrlar.
ABŞ we Günbatarlylar, Eýranyň üç ýadro merkezinde ýadro materialynyň tapylmagy baradaky galp talaplary bilen bu karary tassyklandyrlar.
Olar bu kararda, Eýrany , Halkara Atom Energiýasy Guramasy bilen doly hyzmatdaşlyga çagyrdylar we Eýrandan , Derrew we haýal etmän IAEA-nyň Baş müdiri bilen hyzmatdaşlyk etmegini islediler.
Bu karar Hytaýyň we Russiýanyň berk garşylygyna garamazdan kabul edildi. Bu karara, 3 ýurt (Hindistan, Liwiýa we Päkistan) ses bermediler.30 ýurt hem oňyn ses berdiler. Hytaý we Russiýa hem garşy ses berdiler.
Wenadaky gepleşiklerde Russiýanyň wekili Mihail Ulýanow: Dolandyryjylar geňeşindäki Eýrana garşy karar Tähran bilen IAEA-nyň arasyndaky hyzmatdaşlygy gowulaşdyrmaga kömek etmeýär we bu çäre Wena gepleşiklerini tamamlamak üçin peýdaly däl diýip aýtdy.
Hytaýyň Birleşen Milletler Guramasynyň Wenadaky hemişelik wekiliniň orunbasary Wan Çang, Günbataryň Eýrana basyş etmegine alada bildirip Dolandyryjylar geňeşiniň kararyna garşydygyny aýtdy.
Ol şeýlede,Häzirki Eýranyň ýadro krizisiniň başlangyjy hökmünde ABŞ gysga wagtda syýasy karar bermeli we ýadro gepleşiklerinde ylalaşyk gazanmak üçin Eýranyň kanuny aladalaryna işjeň jogap bermeli diýdi.
Bu kararyň ABŞ we onuň Ýewropaly hyzmatdaşlary tarapyndan şu wagt kabul edilmegi, Wena gepleşiklerindäki häzirki dartgynlylyk we ABŞ-nyň dogry talaplary kabul etmezlik islegi bilen baglanyşykly Günbataryň negatiw garaýşynyň aýdyň alamatydyr.
ABŞ ,Sanksiýalary ýatyrmagyň we Yslam Rewolýusiýasynyň Gorag Korpusyny terror guramalarynyň sanawyndan aýyrmagyň deregine, Tährany syýasy basyşlar arkaly paýhassyz we mejbury talaplary kabul etmäge çemeleşýär,ýone Eýran bolsa oz hukuklaryny goramaga çynlykaýdyr.
