Yslamabatda Eýran bilen Päkistanyň bilelikdäki ykdysady komissiýasynyň geçirilmegi
Eýran bilen Päkistanyň 21-nji bilelikdäki ykdysady komissiýasy çarşenbe güni irden Pakistanyň paýtagty Yslamabatda Eýranyň ýollar we şäher gurluşygy ministri "Rostam Gasemi" tarapyndan ýolbaşçylyk edilýän ýokary derejeli wekiliýetiniň gatnaşmagynda başlandy.
Açylyş ýygnagynda Eýranyň we Pakistanyň resmileri iki ýurduň arasyndaky gatnaşyklaryň köp pudaklarda çuň we giňdigini mälim etdiler we ykdysady hyzmatdaşlyk komissiýasynyň geçirilmeginiň , päsgelçilikleri aýyrmakda, hyzmatdaşlygy çuňlaşdyrmakde we berkitmekde esas bolup biljekdigini mälim etdiler.
Eýran-Päkistanyň bilelikdäki ykdysady komissiýasynyň soňky ýygnagy 2017-nji ýylyň aprel aýynyň ahyrynda Tähran tarapyndan geçirildi.
Iki ýurduň strategiki gatnaşyklaryny giňeltmek, söwda gatnaşyklaryny esasanam hartlaryň çalyşmagynda, serhet bazarlaryny gurmak we işjeňleşdirmek arkaly serhet söwdasyny güýçlendirmek we serhetýaka sebitlerde bilelikdäki senagat şäherçelerini gurmak ýaly ugurlarda söwda gatnaşyklaryny guramak 21-nji Ykdysady Komissiýanyň maksatlaryndan biridir. Howa, demir ýol we deňiz transporty, aragatnaşyk, bilim, syýahatçylyk we kazyýet işlerinde hyzmatdaşlyk hem gözden geçirildi.
Sebitdäki goňşular we ýurtlar bilen söwda we ykdysady gatnaşyklaryň ösdürilmegi Eýranyň 13-nji hökümetiniň daşary syýasatda ileri tutulýan ugurlaryndan biridir we şoňa laýyklykda Eýran bilen Päkistanyň häkimiýetleri söwda gatnaşyklaryny ösdürmek maksady bilen geçen ýyl üç şertnama baglaşdy . 5 ýyllyk döwürde ykdysady we söwda gatnaşyklarynyň ösüşi, sergi hyzmatdaşlygy, 5 ýyllyk söwda hyzmatdaşlygynyň meýilnamasyny 2027-nji ýyla çenli uzaltmak we umumy serhet bazaryny döretmek mehanizmini düzmek bu üç şertnamanyň möhüm düzgünleridir.
9-njy iýulda Eýran Yslam Respublikasynyň prezidenti Seýid Ebrahim Räisi Pakistanyň premýer-ministri Şahbaz Şerif bilen telefon arkaly söhbetdeşlikde Eýran Yslam Respublikasynyň Pakistan bilen gatnaşyklary giňeltmek üçin hiç hili päsgelçilikleriniň ýa-da çäklendirmeleriniň ýokdugyny aýtdy. Eýran Yslam Respublikasynyň prezidenti şeýle-de Ykdysady hyzmatdaşlyk boýunça bilelikdäki komissiýanyň yzygiderli geçirilmeginiň, bu iki ýurduň arasyndaky gatnaşyklaryň derejesini ýokarlandyrmagyň ýoludygyny mälim etdi.Eýran bilen Päkistanyň arasynda köp umumy gyzyklanmalar we aladalar bardyr.
Soňky iki ýylda Eýran bilen Päkistan 2 sany täze serhet geçelgesini açdy we resmi serhetleriniň sany 3-e ýetdi, maksatlaryň biri söwdany ýeňilleşdirmek we serhet ýaşaýjylarynyň durmuşyny gowulaşdyrmak üçin birek-biregiň mümkinçiliklerinden peýdalanmakdyr.Eýran bilen Päkistanyň 21-nji bilelikdäki ykdysady komissiýasynda iki ýurduň wekiliýetleriniň arasynda harytlaryň alyş-çalyş mehanizmini ösdürmek, serhet bazarlaryny işjeňleşdirmek, birek-birege eksport we importy ýeňilleşdirmek meselesinde möhüm gepleşikler bolandyr.
