Eýran bilen Hytaýyň arasyndaky ykdysady gatnaşyklar täze özgerişler ýolunda
Eýran Yslam Respublikasynyň Prezidentiniň Hytaýa sapary bilen bir wagtyň özünde Pekinde iki ýurduň telekeçileriniň bilelikdäki ýygnagy geçirildi.
Eýranyň Daşary işler ministrliginiň ykdysady diplomatiýasynyň orunbasary "Mehdi Safari", eýranly we hytaýly işewürleriň gatnaşmaklarynda Pekinde geçirilen bilelikdäki ýygnagynda Eýranyň prezidentiniň Hytaýa saparynyň iki taraplaýyn meýilnamalaryň has çalt durmuşa geçirilmegine sebäp bolup biljekdigini we iki ýurduň arasyndaky söwda we ykdysady hyzmatdaşlygy pugtalandyrjakdygyny nygtady.
Eýran Yslam Respublikasynyň prezidenti Seýid Ebrahim Räisi, syýasy we ykdysady wekiliýetiň başlygy hökmünde hytaýly kärdeşi Si Szinpiniň resmi çakylygy boýunça Pekine bardy . Ol bu saparyň maksatlarynyň birisi Eýran bilen Hytaýyň arasyndaky 25 ýyllyk strategiki resminamanyň durmuşa geçirmegidigini yglan edendir.
Soňky ýyllarda Eýran bilen Hytaý, syýasy, ykdysady we goranyş ugurlarynda gatnaşyklaryny giňeltdiler we 2021-nji ýylyň mart aýynda 25 ýyllyk strategiki resminama gol çekilmegi bu etabyň tamamlanmagynyň möhüm ädimi hasaplanýar.
Bu 25 ýyllyk strategiki resminama iki ýurduň arasynda syýasy, ykdysady we medeni ugurlarda uzak möhletleýin hyzmatdaşlygyň ýoluny kesgitleýär.
Hytaý, dünýäniň möhüm ykdysadyýeti hökmünde soňky ýyllarda Eýran bilen söwdasyny ösdürýär,Pekin hatda sanksiýalar has ýokary bolsa-da, Eýranyň esasy söwda hyzmatdaşy bolmagynda galýar, emma Eýran we Hytaýyň mümkinçilikleri we syýasy ýakynlygy, Iki ýurduň arasynda söwdanyň ösmegine esaslary döredip bilýändir
Hytaý şu ýylyň on aýynda (1401) Eýran bilen iň köp söwda etdi.
Bu söwdanyň Jemi 25,3 milliard dollara ýetendir. Eýranyň Hytaýdan importy hem 12 milliard 698 million dollara ýetdi, bu bolsa 33 göterim ösüş bilen bilelikde boldy.
Eýranyň köptaraplylyk ugrundaky syýasaty, Eýranyň Şanhaýa agzalygy, Eýranyň Aziýa ýurtlary bilen halkara hyzmatdaşlygy, Eýranyň Hytaý bilen taryhy gatnaşyklary we “Bir guşak bir ýol” meýilnamasynda täze ýüpek ýoluny işjeňleşdirmek üçin hyzmatdaşlygy Eýranyň Hytaý bilen söwda we ykdysady gatnaşyklaryny ýokarlandyran faktorlar bolýandyr.
