Raisi: Sebitdäki daşary ýurtlularyň gatyşmagy kynçylyklary çözüp bilmez
Eýran Yslam Respublikasynyň Prezidenti: Daşary ýurtlularyň sebite gatyşmagy kynçylyklary hiç hili çözüp bilmez we olaryň bolmagy howp hasaplanýar diýdi.
IRNA habarlar gullugynyň beren habaryna görä, Eýran Yslam Respublikasynyň prezidenti Seýid Ebrahim Raisi penşenbe güni Eýran bilen Pakistanyň arasynda täze elektrik alyş-çalyş nokadynyň we liniýasynyň açylyş dabarasynda Pakistanyň premýer-ministri Şahbaz Şerifiň gatnaşmagynda Sistan we Bulujystanyň Pişin serhedinde (Eýranyň günorta-gündogary) geçirilen dabarada Pakistanyň howpsuzlygynyň Eýranyň howpsuzlygydygyny aýtmak bilen daşary ýurtlularyň sebite gatyşmagy meseläni hiç hili çözüp bilmez we olaryň bolmagy howp hasaplanýar diýdi.
Resmileriň arasyndaky gepleşik arkaly sebitdäki meseleleriň çözülip bilinjekdigine ünsi çeken Raisi, ABŞ-nyň Owganystandaky barlygynyň netijesini ganhorluk we gan döküşikli hasaplamak bilen Eýran bilen Päkistanyň arasyndaky hyzmatdaşlyk howpsuzlyga baryp çatar we bu hyzmatdaşlyk ösüş üçin esas bolar diýip beýan etdi.
Eýran Yslam Respublikasynyň Prezidenti, Eýran-Pakistan gatnaşyklarynyň giňelýändigini aýtmak bilen Päkistanyň halky şöhratly we yslam rewolýusiýasy bilen gyzyklanýan düşünýän halk we takwa adamlardyr we Eýran bilen Päkistanyň arasyndaky gatnaşyklar ösüşe bakandyr diýdi.
Raisi, Eýran bilen Pakistanyň arasyndaky umumy serhediň nol nokadynda Pakistanyň premýer-ministriniň barlygy baradaky habary durnukly howpsuzlygyň alamaty diýip hasaplamak bilen Eýran bilen Päkistanyň serhetleri howp däl, eýsem serhet alyş-çalyşlary we iki ýurt bilen yslam ýurtlarynyň arasynda howpsuzlygy ýokarlandyrmak üçin mümkinçilikdir diýip sözlerine goşdy.
Ýene bir habara görä, Eýran Yslam Respublikasynyň prezidenti, Pişin-Mand serhet bazarynyň bilelikdäki açylyş dabarasyndan soň Päkistanyň premýer-ministri bilen bolan duşuşykda, Tähranyň Yslamabat bilen dürli söwda, senagat, oba hojalygy we ylym we tehnologiýa pudaklarynda işewür gatnaşyklary ösdürmäge taýýardygyny aýtdy.
