Raisiň Nikaraguada eden çykyşy
Eýran Yslam Respublikasynyň Prezidenti milletleriň garşylygy, adalat isleýjiligi we erkinlik isleýjiligi agalyk ediji güýçleri passiw edip we yza çekilmäge mejbur etdi diýdi.
Yslam ynkylaby ýeňiş gazanany bäri, Eýran Latyn Amerikasynyň sebitinde imperializme we ABŞ-nyň ýolbaşçylygyndaky global ulumsylyga garşy göreşmekde uzak taryhy bolan Nikaragua, Kuba, Wenesuela we Boliwiýa ýaly käbir ýurtlar bilen gowy gatnaşyk gurupdy.
Şonuň üçin Eýran Yslam Respublikasynyň prezidenti Seýid Ebrahim Raisi duşenbe güni Wenesuela, Nikaragua we Kuba ýaly Latyn Amerikasynyň ýurtlaryna üç günlük saparda bir topara ýolbaşçylyk edip Tährandan Karakasa gitdi.
Habar gullugynyň habaryna görä, Eýran Yslam Respublikasynyň prezidenti "Seýd Ebrahim Raisi" düýn, çarşenbe güni, Nikaragua saparynyň soňky böleginde, bu ýurduň prezidenti bilen bilelikde geçirilen metbugat ýygnagynda garaşsyz ýurtlar bilen aragatnaşyk saklamagyň Eýran Yslam Respublikasynyň daşary syýasatynyň hemişe ileri tutulýan ugurlaryndan biri bolandygyny aýtmak bilen bütin dünýäde halklaryň islegine hormat goýulsa we agalyk ediji güýçler halk sesiniň öňünde özbaşdaklyk görkezmese we halkyň ses bermegine we durmuşa geçirilmegine ýol berse, dünýädäki ýagdaý başgaça bolar diýdi.
Raisi şeýle-de milletleriň garşylygy, adalat isleýjiligi we erkinlik isleýjiligi agalyk ediji güýçleri passiw edip yza çekilmäge mejbur edendigini aýtmak bilen bu waka Latyn Amerikasy sebitiniň köp ýurtlarynda şu gün Amerikanyň we onuň tarapdarlarynyň agalyk ediş ulgamyna we artykmaçlygyna garşy bolup geçýändir diýdi.
Raisi şeýle-de Eýranyň sanksiýalara we giň ýaýran howplara garamazdan ylmy, tehniki-inženerçilik, saglyk, lukmançylyk we derman senagatynda ep-esli ösüşleri gazanandygyny aýtdy.
Eýran Yslam Respublikasynyň prezidenti şeýle hem, Eýran bilen Nikaragua arasynda özara şertnamalaryň gazanylmagyna ünsi çekmek bilen söwda we ykdysady hyzmatdaşlyk, tejribe alyşmak we ylmy we tehnologiki üstünlikler, tehniki-inženerçilik hyzmatlarynyň we saglygy goraýyş, lukmançylyk, derman we saglygy goraýyş hyzmatlarynyň eksporty iki ýurdyň hyzmatdaşlyk üçin ylalaşylan iň möhüm ugurlaryndandyr diýdi.
