Eýran bilen Omanyň arasyndaky ikitaraplaýyn hyzmatdaşlygyň giňelmegi nygtaldy

Eýranyň we Omanyň ýolbaşçylary Tähran-Muskatyň gatnaşyklaryny has ýokary derejelere çykarmak we özara gatnaşyklary giňeltmek islegini nygtadylar.

IRIB habar gullugynyň habaryna görä; Eýran Yslam Respublikasynyň prezidenti Seýid Ebrahim Raisi we Omanyň soltany Hatim bin Tarik Al Said sişenbe güni telefon arkaly söhbetdeşlikde baştutanlaryň özara saparlarynda gol çekilen hyzmatdaşlyk resminamalarynyň soňky ösüşine syn bermek bilen Tähran-Muskatyň gatnaşyklaryny gowulaşdyrmak islegini mälim etdiler we has ýokary derejelere we özara gatnaşyklaryň giňelmegine ünsi çekdiler.

Şeýle hem Eýranyň we Omanyň liderleri iki tarapyň dürli ugurlardaky sebitleýin we halkara hyzmatdaşlygyny gözden geçirdiler.

Soňky birnäçe onýyllykda Eýran bilen Omanyň arasyndaky gatnaşyklar, Pars aýlagyndaky dartgynlylyga we Amerikanyň Eýranofobiýany güýçlendirmek ugrundaky tagallalaryna garamazdan, hemişe birek-birege hormat we bähbitlere esaslanýar.

Omanyň resmileri Eýran bilen ýakyn gatnaşyklaryň realizme esaslanýandygyna ynanýarlar we Eýrany uly goňşy hasaplaýarlar.

Iki ýurduň arasynda territorial we serhet jedelleri ýokdyr.

Eýranyň Omana berýän goldawy Omanyň taryhy ýadynda oňyn we hemişelik yzy galdyrandyr.