Eýranyň we Iordaniýanyň daşary işler ministrleriniň Palestindäki wakalar barada maslahaty
Eýranyň we Iordaniýanyň daşary işler ministrleri Palestindäki soňky wakalar we sionist režimiň jenaýatlaryny bes etmegiň zerurlygy barada pikir alyşdylar we maslahatlaşdylar.
Sionist režimiň jenaýatlary soňky günlerde, esasanhem sişenbe güni agşam iň ýokary derejesine ýetdi we ýüzlerçe palestinaly Gazanyň merkezindäki Al-Moamedani keselhanasynda sionistler tarapyndan nyşana alyndylar.
Bu mesele bilen baglanşykda we IRNA-nyň çarşenbe agşamky hasabatyna görä; Eýranyň Daşary işler ministri Huseýin Amir Abdollahian we Iordaniýanyň Daşary işler ministri Aýman Safadi Palestindäki soňky wakalary we sionist režimiň Gaza zolagynda gazaply çozuşyny ara alyp maslahatlaşdylar.
Bu telefon jaňynda sionist režimiň Gaza zolagynyň öýsüz-öwzarsyz adamlaryna, esasanam aýal-gyzlara we çagalara garşy alyp barýan söweş jenaýatlaryny duruzmak üçin gyssagly we täsirli çäreleriň zerurdygy nygtaldy.
Bu telefon maslahatynda Eýranyň we Iordaniýanyň daşary işler ministrleri Gaza zolagynyň adam gabawyny aýyrmagyň, bu sebite gyssagly halkara kömeginiň berilmeginiň we palestinalylaryň mejbury göçürilmeginiň öňüni almagyň zerurdygyny aýtdylar.
Sionist basyp alyjy režimi ýetmiş ýyldan gowrak wagt bäri ezilen palestina halkynyň hukuklaryny bozup gelýändir. Bu režim agzalan döwürde palestinalylara garşy iň aýylganç jenaýatlary etdi.
