Kanani: Sebitdäki söweşiň gerimini giňeltmegiň yzgelimleri Amerika we Sionist režime gönükdirilendir
Eýranyň Daşary işler ministrliginiň metbugat sekretary ABŞ-nyň hökümeti parahat ilatyň we palestinaly raýatlaryň, esasanam aýallaryň we çagalaryň öldürilmeginde we Gazadaky möhüm infrastrukturanyň weýran edilmeginde esasy aktýor we agentdigini ýene bir gezek subut etdi diýdi.
BAE tarapyndan teklip edilen karara Birleşen Milletler Guramasynyň Howpsuzlyk Geňeşiniň anna güni geçirilen mejlisinde ses berildi, mejlisiň 15 agzasyndan 13 agzasy oňýn ses berdi, bir agza ýagny ABŞ garşy ses berdi we geňeşiň beýleki agzasy Angliýa ses bermekden saklandy.
Amerikanyň bu kararyň tassyklanmagyna garşy hereketi, Eýran Yslam Respublikasynyň reaksiýasyna sebäp boldy.
IRNA habar gullugynyň habaryna görä, Eýranyň Daşary işler ministrliginiň metbugat sekretary Naser Kanani, Birleşen Milletler Guramasynyň Howpsuzlyk Geňeşiniň Gazada gyssagly ynsanperwerlik ylalaşygyny döretmek maksady bilen kabul eden kararyna ABş-nyň weto goýmak baradaky hereketini ýazgarmak bilen ABŞ hökümeti parahat ilatyň we Palestina raýatlarynyň, esasanam aýallaryň we çagalaryň öldürilmeginde we Gazadaky möhüm infrastrukturanyň weýran edilmeginde esasy aktýor we agentdigini ýene bir gezek subut etdi diýdi.
Eýranyň Daşary işler ministrliginiň metbugat sekretary sözüniň dowamynda çaga öldüriji Sionist režiminiň Gaza garşy rehimsiz çozuşy başlany bäri, Amerika Ysraýylyň aparteid režimi bilen palestina halkyna garşy uruş jenaýatlaryny we genosidleri amala aşyrmakda hyzmatdaşlygyny yzygiderli subut edendir diýdi.
Eýranyň diplomatik guramasynyň metbugat sekretary şeýle-de Amerikan hökümetiniň 18,000 töweregi parahat ýaşaýjyny rehimsizlik bilen öldürmekde şärik bolandygyna şek-şübhe ýok, şolardan 8000 töweregi ezilen çagalar we sebitdäki söweşiň geriminiň giňelmeginiň netijeleri hökmany suratda ABŞ-nyň we basyp alyjy Ysraýyl režiminiň ýakasyny tutar diýdi.
