Amir Abdollahian: Pakistana raketa hüjümleriniň maksady Eýranly terroristler Jaiş al-Zulumdy
Bütindünýä ykdysady forumynyň ýyllyk ýygnagynda Eýran Yslam Respublikasynyň Daşary işler ministri Eýranly terroristleri Jaish al-Zalmy ýok etmek üçin Eýranyň Pakistana raketa hüjümleriniň maksadyny yglan etdi.
Eýran Yslam Respublikasynyň Dawos 2024 sammitiniň maksatnamalaryna gatnaşmak çakylygyna esaslanyp, Eýranyň Daşary işler ministri Huseýin Amir Abdollahian bu sammitiň maksatnamalaryna gatnaşmak üçin sişenbe güni Şweýsariýa bardy.
IRNA habar gullugynyň habaryna görä, Eýranyň Daşary işler ministri Huseýin Amir Abdollahian düýn, çarşenbe güni geçirilen bu ýygnakda Eýranyň Pakistanda terrorçy toparlara eden soňky hüjümleri barada gürrüň gozgap Pakistan raýatlarynyň hiç birine Eýranyň raketalary we pilotsyz uçarlary tarapyndan hüjüm edilmändigini aýtmak bilen bu hüjümlerde Jaiş al-Zulum terror toparyny nyşana aldyk diýdi.
Amir Abdollahian, Eýranyň Yragyň we Pakistanyň içindäki Eýranyň howpsuzlygyna howp salýan terroristler bilen berk garşylaşjakdygyny aýtmak bilen Yragyň we Pakistanyň howpsuzlygyny Eýranyň howpsuzlygy hasaplaýarys diýdi.
Sionist içalylaryň Eýranyň Erbil şäherindäki baş edarasyna garşy geçirilen operasiýa barada Daşary işler ministri Yragyň Kürdüstan sebitindäki Mossadyň ştab-kwartirasyny nyşana almagyň Yragy nyşana almak höküminde däldigini aýtmak bilen Eýran Ysraýyl režimi tarapyndan görülýän islendik çärä güýç bilen jogap berer diýip sözlerine goşdy.
