Eýran Halkara Adalat Kazyýetinde Günorta Afrikanyň diplomatik üstünligini goldaýar
Eýran Yslam Respublikasynyň Daşary işler ministri Günorta Afrikanyň Halkara Kazyýetinde diplomatik üstünligini gutlap, dünýädäki kärdeşlerinden Günorta Afrikanyň hereketini goldamagyny isledi.
29-njy dekabrda Günorta Afrika Ysraýyla garşy Halkara Kazyýetinde şikaýat edip, sionist režimi Gaza zolagynda alyp barýan harby operasiýalarynda 1948-nji ýyldaky genosid konwensiýasyny bozmakda aýyplady we bu şikaýatyň diňlenişigi şu gün, anna gününe çenli dowam etdi we kazyýet kararyny yglan etdi.
Şu gün (26-njy ýanwar, anna) Halkara adalat Kazyýetiniň başlygy "Joan Donogue" sionist režimiň Gaza zolagynda alyp barýan harby hereketlerini togtatmak baradaky "gyssagly we wagtlaýyn çäreler" baradaky kararyny yglan etdi.
Şu günki kararda bu kazyýet bu meseläni çözmek üçin öz ygtyýarlyklaryny tassyklady we sionist režimden genosidiň öňüni almak üçin çäre görmegini isledi.
Eýran Yslam Respublikasynyň Daşary işler ministri "Huseýin Amir Abdollahian" anna güni internet giňişliginde şahsy sahypasynda şeýle ýazdy: Günorta Afrikanyň Halkara Jenaýat Kazyýetinde sionist režime garşy şikaýat etmekde gazanan üstünliklerini Günorta Afrikanyň hökümetine we halkyna, bu ýurduň Daşary işler ministri "Naldi Pandor" -a we palestina halkyna gutlaýaryn diýdi.
Amir Abdollahian, Eýran Yslam Respublikasynyň Günorta Afrika hökümetiniň başlangyjyny goldaýandygyny nygtamak bilen häzirki wagtda galp Ysraýyl režiminiň işgärleri dünýäde jemgyýetçilik pikirinde iň ýigrenilýän adamlardyrlar we genosid we palestinalylara garşy görlüp-eşidilmedik söweş jenaýatlary üçin derrew jogapkärçilige çekilmelidirler diýdi.
Eýranyň ýokary derejeli diplomaty şeýle-de Ak tamyň sionistleriň jenaýatlaryna berýän ähli taraplaýyn goldawy hiç haçan ýatdan çykarylmaz we jemgyýetçiligiň ünsüni özüne çeker diýip sözlerine goşdy.
