Eýranyň we Sierra Leonyň daşary işler ministrleri ikitaraplaýyn gatnaşyklaryň ösmegine ünsi çekdiler
Eýranyň we Sierra Leonyň daşary işler ministrleri duşuşygynda ikitaraplaýyn ykdysady we syýasy gatnaşyklaryň ösmegine ünsi çekdiler.
IRNA-nyň çarşenbe güni beren hasabatyna görä; Eýranyň Daşary işler ministri Hüseýin Amir Abdollahian, Saud Arabystanynyň Jidda şäherinde Yslam Hyzmatdaşlyk Guramasynyň adatdan daşary ýygnagynyň çäginde Sierra Leonyň Daşary işler ministri Timoti Musa Kaba bilen duşuşdy we Gaza meselesini ara alyp maslahatlaşdy.
Palestina we Gaza meselesi, Sionist režimmiň jenaýatlary we iki ýurduň arasynda syýasy, ykdysady we söwda hyzmatdaşlygyny ösdürmek bu maslahatyň iň möhüm meselesi boldy.
Sierra Leone, Yslam Hyzmatdaşlyk Guramasynyň agzasy hökmünde bu guramanyň adatdan daşary ýygnagynda ähli parahat ilata we raýat infrastrukturasyna edilen hüjümleri, köpçülikleýin jezany we palestinalylaryň mejbury göçürilmegini ýazgarýandygyny bellemelidiris.
Eýranyň Daşary işler ministri Huseýin Amir Abdollahian Jiddada iki günlük saparyndan soň çarşenbe güni Tährana gaýdyp geldi.
Bu ýygnagyň çäginde Eýranyň Daşary işler ministri Türkiýäniň, Azerbaýjan Respublikasynyň we Täjigistanyň Daşary işler ministrleri bilen hem duşuşdy we pikir alyşdy.
