Eýranyň işçileriň hukuklaryny goramak we öňe sürmek ugrundaky hereketleri

Eýran Yslam Respublikasynyň adam hukuklary merkeziniň sekretary, Eýranyň bu guramany esaslandyryjy ýurtlaryň biri hökmünde oýnan roluny ýatlap, Tähranyň işçileriň we olaryň maşgalalarynyň hukuklaryny goramak we öňe sürmek ugrundaky hereketlerini düşündirdi.

Şenbe güni tele-radio guramasynyň habar gullugynyň habaryna görä, Eýran Yslam Respublikasynyň Adam hukuklary merkeziniň sekretary Kazem Garib Abadi Ženewadaky Halkara Zähmet Guramasynyň baş müdiri Gilbert F. Hongbo bilen duşuşanda Eýranyň bu gurama we syýasy däl häsiýetiniň berýän ähmiýetine ünsi çekip, Halkara Zähmet Guramasynyň tehniki we syýasy däl çemeleşmesini dowam etdirmelidigini aýtdy.

Bu duşuşykda Garib Abadi, Halkara Zähmet Guramasynyň esaslandyryjy ýurtlarynyň biri hökmünde Eýran Yslam Respublikasynyň roluny ýatlap, Eýranyň işçileriň we olaryň maşgalalarynyň hukuklaryny goldamak we öňe sürmek ugrundaky hereketlerini düşündirdi.

Eýranyň Kazyýetiniň halkara gatnaşyklar boýunça orunbasary, Eýrana garşy birtaraplaýyn sanksiýalary we adamlaryň durmuşyna, şol sanda işçiler we olaryň maşgalalaryna täsirine yşarat edip Halkara Zähmet Guramasynyň bu meselä aýratyn üns berilmegini isledi.

Eýranyň Adam hukuklary merkeziniň sekretary, basyp alyjy sionist režimiň Gazanyň halkyna garşy jenaýatlaryny ýazgarmak bilen bigünä adamlaryň şol sanda käbirleri işçiler bolýanlaryň şehit bolmagyna sebäp bolýan şeýle wagşyçylykly hereketler Halkara Zähmet Guramasynyň bu meselä çynlakaý gatnaşmagyny talap edýär diýdi.

Bu duşuşykda Halkara Zähmet Guramasynyň baş müdiri Gilbert F. Hongbo Eýran Yslam Respublikasynda görülýän çärelere we bu guramany goldamakdaky roluna ýokary baha bermek bien Gazadaky betbagtçylykly ýagdaý barada Halkara Zähmet Guramasyna hasabat berildi diýdi.

Hongbo, Eýran bilen Halkara Zähmet Guramasynyň arasyndaky gatnaşyklaryň ösmegini garşy alyp, ýakyn wagtda Eýrana baryp görmek isleýändigini aýtdy.