IRGC tarapyndan Hormuz bogazynyň golaýynda sionist režimi bilen baglanyşykly gäminiň ele salynmagy
Sionist režimi bilen baglanyşykly "MCS Aries" atly konteýner gämisi, Eýranyň Yslam Rewolýusiýasynyň Sepah Pasdaranynyň Deňiz ýörite güýçleri tarapyndan Hormuz bogazynyň golaýynda ele salyndy.
IRNA-nyň habaryna görä; "MCS Aries" atly söwda konteýner gämisi, şu gün (şenbe) Yslam Rewolýusiýasynyň Sepah Pasdaranynyň Deňiz güýçleriniň heliburn operasiýasy bilen we bu gäminiň üstünde güýçleriň düşürilmegi bilen Pars aýlagyndaky Hormuz bogazynyň golaýynda saklandy.
Bu habara görä, häzirki wagtda Eýranyň territorial suwlaryna tarap barýan bu gämi, Portugaliýanyň baýdagy astynda Zodiac Deňiz kompaniýasy tarapyndan dolandyrylýar, bu sionist kapitalist Eýal Oferiň eýeçiligindedir.
Bu söwda gämisi BAE-den Hindistana gidýärdi we portdan çykanda yzarlaýyş ulgamlaryny öçüripdi.
Ysraýyl goşuny şu gün (şenbe) Eýran Yslam Respublikasy tarapyndan Pars aýlagynda bu režim bilen baglanyşykly gäminiň ele salynmagyna reaksiýa bildirdi.
IRNA-nyň şenbe güni Al Jazeera salgylanyp beren habaryna görä, Sionist režimiň goşuny , bu režimiň sebitdäki uruş hereketlerine we dartgynlygyň güýçlenmegine, parahatçylygynyň we durnuklylygynyň bozulmagyna we Gaza zolagynyň halkyna garşy halkyna rehimsiz çozuşa üns bermezden Eýran ýagdaýyň möwjemeginiň netijelerini çeker diýip toslady.
