Eýran bilen Russiýanyň arasynda howpsuzlyk düşünişmek memorandumyna gol çekildi
Eýranyň we Russiýanyň Ýokary Milli Howpsuzlyk Geňeşiniň sekretarlary 12-nji Halkara Howpsuzlyk meseleleri boýunça ýokary derejeli wekilleriniň sammitiniň çäginde howpsuzlyk barada özara düşünişmek memorandumyna gol çekdiler.
IRNA-nyň habaryna görä, Eýran Yslam Respublikasynyň işjeň howpsuzlyk diplomatiýasynyň we sebitleýin howpsuzlyk hyzmatdaşlygynyň dowamynda, çarşenbe güni Eýran bilen Russiýanyň arasyndaky howpsuzlyk düşünişmek memorandumyna iki ýurduň Ýokary Milli Howpsuzlyk Geňeşiniň sekretarlary "Ali Akbar Ahmadian" we "Niklaý Patruşew" gol çekdiler.
Bu düşünişmek memorandumyna esaslanyp, dürli strategiki ugurlarda Eýran bilen Russiýanyň arasyndaky gatnaşyklar we hyzmatdaşlygyň derejesi ýokarlanar.
Eýran Yslam Respublikasynyň Ýokary Milli Howpsuzlyk Geňeşiniň sekretary, Russiýanyň Howpsuzlyk meseleleri boýunça ýurtlaryň ýokary wekilleriniň 12-nji Halkara sammitiniň çäginde maslahatlaryny dowam etdirdi we Hytaýyň, Braziliýanyň we Günorta Afrikanyň ýokary derejeli resmiler bilen aýratyn duşuşdy we söhbetdeş boldy.
Howpsuzlyk meseleleri boýunça ýurtlaryň ýokary wekilleriniň 12-nji Halkara sammiti, Yslam Rewolýusiýasynyň Ýolbaşçysynyň wekili we Eýranyň Ýokary Milli Howpsuzlyk Geňeşiniň sekretary "Ali Akbar Ahmadian" -yň we Howpsuzlyk Geňeşiniň sekretarlary, Milli howpsuzlyk geňeşçileri, premýer-ministrleriň orunbasarlary, dünýäniň 106 ýurdunyň howpsuzlyk we aňtaw gullugynyň ýolbaşçylarynyň gatnaşmagynda Russiýanyň Sankt-Peterburg şäherinde geçirildi.
