Eýranyň, Palestinanyň Birleşen Milletler Guramasyna doly agzalygyny kabul etmegine berýän ünsi
Eýran Yslam Respublikasynyň Birleşen Milletler Guramasyndaky ilçisi we hemişelik wekili "Amir Said Irwani" Palestinanyň Birleşen Milletler Guramasynyň doly agzasy hökmünde kabul edilmegine ünsi çekdi.
Geçen Çarşenbe güni ýerli wagt bilen, Palestinanyň Birleşen Milletler Guramasyna doly agza bolmagy haýyşy boýunça ABŞ-nyň weto meselesini ara alyp maslahatlaşmak maksady bilen geçirilen bu guramanyň umumy ýygnagynyň mejlisinde, Eýranyň Birleşen Milletler Guramasyndaky wekili, Palestinanyň doly agzalygyny goldap,bu guramada Amerikanyň Birleşen Ştatlarynyň palestinalylaryň kanuny hukuklarynyň öňüni almak üçin weto hukugynyň jogapkärçiliksiz ulanylmagy baradaky hereketiniň halkara jemgyýetçiliginiň islegine ters gelýändigini sözüne goşdy. Eýran Yslam Respublikasynyň Birleşen Milletler Guramasyndaky ilçisi we hemişelik wekili, Eýranyň we beýleki ýurtlaryň köpüsiniň nukdaýnazaryndan Palestina meselesini hemmetaraplaýyn çözmegiň ,palestinalylaryň diňe öz ykbalyny kesgitlemek we paýtagty hökmünde Kuds Şerif bilen garaşsyz Palestina döwletini döretmek bilen olaryň hukugyň doly durmuşa geçirilmegiň mümkindigini aýtdy. Sionist režimiň soňky aýlarda Gaza zolagyna edýän hüjümleri güýçlenenden soň, garaşsyz Palestina döwletini ykrar etmek we Birleşen Milletler Guramasyna doly agza bolmak üçin diplomatik işler artdy. Geçen ýylyň 18-nji aprelinde Howpsuzlyk Geňeşiniň 12 agzasy, şol sanda Russiýa we Hytaý, Palestinany Birleşen Milletler Guramasynyň doly agzasy hökmünde kabul etmek kararyna ses berenlerinde, Amerika bu karary weto etdi. Garaşsyz Palestina döwleti, Birleşen Milletler Guramasynyň 193 agzasynyň 140-sy tarapyndan ykrar edildi we dünýäniň 95 ýurdunda Palestinanyň ilçihanalary we hemişelik wekilhanalary bar. Şol sebäpli, Palestinanyň Birleşen Milletler Guramasyna doly agzalygyny goldamak bilen bir hatarda, Eýran Yslam Respublikasy, munuň durmuşa geçirilmegi, Palestina halkyna garşy taryhy adalatsyzlyklara garşy göreşmekde möhüm ädimdir diýip hasaplaýar. Palestina häzirki wagtda Birleşen Milletler Guramasynda hemişelik synçy bolup durýar. Synçy statusy bolan ýurtlar ýygnaklaryň köpüsine gatnaşyp bilseler-de, ses bermäge hukugy ýok .Aslynda, Palestinanyň Howpsuzlyk Geňeşine hemişelik agza bolmagy üçin iň möhüm päsgelçilik ABŞ hökümetiniň garşylygydyr. ABŞ Bir tarapdan, Palestina-Ysraýyl konfliktiniň iki döwletli çözgüdini goldaýandygyny öňe sürýän ýurt, şol bir wagtyň özünde Palestinanyň Birleşen Milletler Guramasyna doly agzalygyna garşydyr. Ýene bir möhüm mesele, Gazanyň söweşinden we Sionist Režimiň genosidinden soň Palestinanyň Birleşen Milletler Guramasyna doly agza bolmagy üçin dünýäniň dürli ýurtlarynyň goldawynyň artmagy we bu meseläniň netijeleriniň biri hökmünde garalmagydyr.
