Daşary ýurtly resmileriň Eýranyň merhum prezidentine hormat goýmak baradaky habarlary
68 ýurduň we sebit we halkara guramalaryň jogapkärleri Tehrana saparlarynda Eýranyň şehit bolan Prezidentiniň we Daşary işler ministriniň ýas myrasymlaryna gatnaşyp bu şehitlere hormat goýdylar.
Eýranyň syýasy sahnasyndaky iň ajy wakalaryň biri, prezident Seýid Ebrahim Raisini, Daşary işler ministri Huseýin Amirabdollahyýany,Töwriziň juma mammy Seýid Muhammet Ali Al Haşimini we häkim Malik Rahmatini alyp barýan dikuçaryň heläkçiligi boldy. Çarşenbe güni bu şehitleriň mukaddes jesetlerini jaýlamak dabarasy geçirildi we çarşenbe güni agşam şehit bolan Prezidentiň we Daşary işler ministriniň we olaryň ýoldaşlarynyň Tähranda geçirilen mejlisler zalynda hormat dabarasy geçirildi.
Bu dabara 68 lider, ýurtlaryň ýokary derejeli işgärleri we sebit we halkara guramalary gatnaşdy we prezidente we şehit bolan ýoldaşlaryna hormat goýdy. Mundan başga-da, şu wagta çenli 50 ýurduň ilçileri we diplomatlary, Birleşen Milletler Guramasynyň käbir işgärleri, Goşulmazlyk Hereketiniň (NAM) başlygy we Hytaý bilen birlikde 77 toparyň başlygy, raýat guramalarynyň wekilleri we metbugat wekilleri Birleşen Milletler Guramasyndaky Eýranyň wekiliýetine baryp ýadygärlik kitabyna gol çekdiler we Eýranyň şehit bolan Prezidentine we Daşary işler ministrine hormat goýdylar.
Köp ýurtda resmiler Eýran Yslam Respublikasynyň ilçihanasyna gatnaşdylar we ýadygärlik kitabyna gol çekdiler we ýurdumyzyň merhum prezidentine we Daşary işler ministrine hormat goýdular.
Bu derejä gatnaşmak we şehit bolan Eýranyň prezidentine we daşary işler ministrine hormat goýmak birnäçe möhüm meseläni öz içine alýar.
Birinji nokat; Seýid Ebrahim Raisi we Huseýin Amirabdollahyýan üç ýyllyk gullugynda dünýäniň ýurtlaryna, esasanam sebit ýurtlaryna Eýrandan parahatçylyk dörediji we oňyn keşbi görkezmegi başardylar.
Ikinji nokat; ýurdumyzyň prezidentine we Daşary işler ministrine dürli formatlarda hormat goýmak, ABŞ-nyň Eýrany izolirlemek strategiýasynyň şowsuzdygyny görkezýän açyk resminamadyr.
Üçünji nokat; Dünýä derejesinde Gudsy basyp alan režime bolan ýigrenç iň ýokary derejä ýetdi,emma Eýranyň 13-nji hökümeti, esasanam Seýid Ebrahim Raisiniň we Huseýin Amirabdollahyýanyň özüni alyp barş modeli bilen, Eýran-fobiýa strategiýasynyi bozmagy başardy we Eýran Yslam Respublikasynyň sebitdäki orny ýokarlanandyr.
