Eýran Russiýanyň Dagystan respublikasyna edilen terrorçylykly hüjümleri ýazgardy
Eýranyň Daşary işler ministrliginiň metbugat sekretary diri galanlara duýgudaşlyk bildirip, Russiýanyň Dagystan respublikasynda bolup geçen terrorçylykly hüjümleri ýazgardy.
Ýaragly adamlar Demirgazyk Kawkazda ýerleşýän Dagystan Respublikasynyň iki şäherinde sinagoga, prawoslaw kilisesine we polisiýa merkezine hüjüm edensoň, hristian ruhany we azyndan 15 polisiýa işgäri öldürildi.
Şol ugurda Tasnim habarlar gullugynyň habaryna görä; Eýranyň Daşary işler ministrliginiň metbugat sekretary "Naser Kanani" Russiýanyň Dagystan Respublikasynda, şol sanda "Darband" we "Mahaç Kala" şäherlerinde bolup geçen terrorçylykly hüjümleri ýazgardy.
Kanani Russiýanyň hökümetine we halkyna, esasanam pida bolanlaryň maşgalalaryna gynanjyny we duýgudaşlygyny bildirmek bilen Eýran Yslam Respublikasy islendik görnüşdäki terrorçylygy adamzat jemgyýetine we halkara howpsuzlygyna abanýan howp hasaplaýar we halkara jemgyýetçiliginiň bu umumy howpy çözmek üçin çynlakaý tutanýerliliginiň we täsirli tagallalarynyň zerurdygyny nygtaýar diýdi.
