Eýran we Ermeni resmileri bilelikdäki hyzmatdaşlygyň giňeldilmegine ünsi çekdiler

Eýranyň Yslam Şura Mejlisiniň başlygy we Ermenistan Mejlisiniň Başlygynyň Orunbasary BRICS parlament başlyklarynyň ýygnagynyň çäginde duşuşyp, iki ýurduň arasyndaky gatnaşyklaryň pugtalandyrylmagyna we ösmegine ünsi çekdiler.

BRICS-iň 10-njy mejlis ýygnagy düýn Russiýanyň Sankt-Peterburg şäherinde, Eýranyň Yslam Şura Mejlisiniň başlygy "Muhammet Bager Galibaf" ýaly agza döwletleriň parlamentleriniň başlyklarynyň gatnaşmagy bilen başlandy.

IRIB habar gullugynyň habaryna görä, Muhammet Bager Galibaf Eýranyň merhum prezidenti Seýid Ebrahim Raisiniň şehit bolmagy üçin Eýrana duýgudaşlyk bildirendigi üçin Ermenistana minnetdarlyk bildirmek bilen, Ermenistan Prezidentiniň Eýrana eden soňky saparynda we Yslam Rewolýusiýasynyň Ýokary lideri bilen geçirilen duşuşykda iki ýurduň arasynda aragatnaşyk we hyzmatdaşlygyň ösdürilmegi nygtaldy diýdi.

Eýranyň Yslam Şura Mejlisiniň başlygy şeýle-de Eýranyň kesgitli syýasaty goňşulary bilen gatnaşyklary giňeltmek we gyzyl çyzgy Eýranyň goňşularyndaky islendik serhet üýtgemelerine garşy durmakdyr. Ermenistan bilen ykdysady gatnaşyklarymyz ýerliklidir we biz onuň ösüşine tarap hereket etmelidiris diýdi. 

Ermenistan mejlisiniň başlygynyň orunbasary Rubin Rubinian, Prezident Raisiniň ölümi üçin gynanç bildirip, Eýranyň häkimiýetlerine we halkyna Ermenistany ýurduň territorial bitewiligi we özygtyýarlylygy meselesinde goldaýandygy üçin sag bolsun aýdýaryn diýdi.

Roubinian Eýranda ermenileriň bütin dünýäde iň goralýan jemgyýetiň bardygyny nygtap, iki ýurduň arasynda ykdysady gatnaşyklary ösdürmelidiris diýdi.