Eýran: Ysraýylyň ýadro desgalary halkara parahatçylygyna we howpsuzlygyna howp salýar
Eýranyň Atom Energiýasy Guramasynyň başlygy Ysraýyl režiminiň NPT şertnamasyna goşulmakdan we ýadro desgalaryny agentligiň goragynda ýerleşdirmekden ýüz öwürmegi halkara parahatçylygyna we howpsuzlygyna howp salýandygyny aýtdy.
Halkara Atom Energiýasy Guramasynyň 68-nji umumy konferensiýasy şu gün (duşenbe) Awstriýanyň Wena şäherinde agza ýurtlaryň, şol sanda Eýran Yslam Respublikasynyň ýokary derejeli wekilleriniň gatnaşmagynda açyldy.
Bu mesele bilen baglylykda we IRNA habar gullugynyň habaryna görä; Eýranyň Atom Energiýasy Guramasynyň başlygy Muhammet Eslami, Eýran Yslam Respublikasyndaky täze hökümetiň konstruktiw gatnaşyklary giňeltmäge we halkara derejesinde bilelikdäki hyzmatdaşlygy ösdürmäge taýýardygyny aýtmak bilen häzirki wagtda dünýä çynlakaý we aladaly meseleler bilen şol sanda Sionist režimiň Palestindäki jenaýatlary bilen ýüzbe-ýüz bolýar, we bu režim Gaza söweşinde 41,000-den gowrak adamy öldürdi, olaryň köpüsi bigünä aýallar we çagalardyrlar şeýle-de bolsa, Amerikanyň we käbir beýleki ýurtlaryň goldawy bilen jenaýatlaryny we genosidini aç-açan dowam etdirýär diýdi.
Eýranyň Atom Energiýasy Guramasynyň başlygy şeýle hem Ysraýyl režimi, eýranly alymlary öldürmek we dürli sabotasiýa we terrorçylyk operasiýalary arkaly Eýranyň parahatçylykly ýadro programmasyna garşy giňden negatiw propagandanyň lideri bolmakdan aýry Eýranyň parahatçylykly ýadro işlerine garşy ýalan sözläp, jemgyýetçilik pikirini jenaýatlaryndan sowmaga synanyşýar diýdi.
Ýadro ýaragsyzlanmagynyň halkara jemgyýetçiliginiň esasy ileri tutýan birinji meselesidigini bellän Eslami, häzirki wagtda Günbatar Aziýa sebitinde ýadro ýaragy bolmadyk zonany döretmegiň has möhümdigini aýtmak bilen, çaga öldürýän sionist režimiň häkimiýetleri, Eýranyň beýik halkyna, şeýle hem Gazanyň ezilen halkyna birnäçe gezek ýadro ýaraglary bilen haýbat atandygyny aýtdy.
