Eýranyň Diplomatik gullugynyň metbugat sekretary: Garşylyk hereketleriniň güýçlenmegi duşmanlary hemişe geň galdyrandyr
Eýranyň Daşary işler ministrliginiň metbugat sekretary sebitdäki garşylyk hereketleriniň güýçlenmeginiň duşmanlary geň galdyrandygyny aýtdy.
Eýranyň Daşary işler ministrliginiň metbugat sekretary "Naser Kanani Çafi" X sosial ulgamynda garşylygyň soňky uzak ýyllarda güýçli tupanlardan geçendigini we köp mujahitleriň şehit bolmagyna we edermenligine garamazdan, täze ösüşler we garşylyk hereketleriniň durnuklylygy we artýan güýji duşmanlary hemişe geň galdyrandygyny ýazdy.
Kanani Çafi, mujahit şehit "Ybraýym Agil" -iň we Sionist terrorçylyk režiminiň Beýrutda gazaply hüjüminde şehit bolan Kuds ýolunyň ähli gymmatly şehitlerini ýada salmak bilen, olar Kuds ýolunyň şehitleri we bu yhlasly mujahidleriň arassa gany, Kudsyň azatlygynyň maksadyny has ýakynlaşdyrar diýip beýan etdi.
Eýranyň Daşary işler ministrliginiň metbugat sekretary şeýle-de sionist režimiň, Amerikanyň Birleşen Ştatlarynyň we basyp alyjy Kuds režiminiň beýleki erbet tarapdarlarynyň, bu beýik adamlaryň şehit bolmagyna garamazdan hiç haçan erbet maksatlaryna ýetip bilmejekdigini aýtdy.
Sionist režimiň goşuny anna güni Beýrutyň günortasyndaky Zahiýa sebitine hüjüm edip, bir binany nyşana aldy, netijede 31 adamyň şehit bolmagyna we Liwan Hizbullahynyň jihadi serkerdelerinden biri bolan "Ybraýym Agiliň" şehit bolmagyna we 76 adamyň ýaralanmagyna sebäp boldy.
