Eýranyň we Günorta Afrikanyň prezidentleri ikitaraplaýyn gatnaşyklary giňeltmäge we Gazadaky söweşi togtatmaga ünsi çekdiler
Eýranyň we Günorta Afrikanyň prezidentleri BRICS kontekstinde iň möhüm ikitaraplaýyn meseleleri we gatnaşyklary gowulandyrmagyň ýollaryny gözden geçirip, Gazanyň halkyna goldaw bermäge we sebitde parahatçylygy ýola goýmaga ünsi çekdiler.
Eýranyň prezidentliginiň maglumat bazasyna görä, Eýran Yslam Respublikasynyň prezidenti "Masud Pezeşkian" we Günorta Afrikanyň prezidenti "Siril Ramafosa" çarşenbe güni Russiýanyň Kazan şäherinde geçirilen BRICS sammitiniň çäginde duşuşdylar.
Pezeşkian bu duşuşykda dünýädäki Günorta Afrikanyň adynyň Nelson Mandelanyň adyna we adalatsyzlyga we zalymlyga garşy göreş bilen baglanyşyklydygyny mälim etmek bilen, sebitdäki meselelere we Gaza söweşine bu ýurduň adalatly garaýşyny Mandelanyň deňhukukly çemeleşmesiniň dowamy hasaplady.
Eýran Yslam Respublikasynyň Prezidenti, Günbatar tarapyndan adam hukuklary düşünjesiniň hyýanatçylykly ulanylmagyny we adam hukuklarynyň ady bilen jenaýat işlerini tankytlamak bilen, BRICS-iň täsirliligini ýokarlandyrmak we agzalaryň arasyndaky özara gatnaşyklary güýçlendirmek häzirki adalatsyz gatnaşyklary düzedip biler diýip mälim etdi.
Pezeşkian şeýle-de Amerikalylaryň sanksiýalar bilen we Sionist režimi sebitde uruş we gan döküşikli hereketleri bilen parahatçylygyň we asudalygyň döredilmegine päsgelçilik döredýändigine yşarat edip, günbatar ýurtlary iki hilli standartly bilen, zalymlaryň we ezilenleriň ýerini üýtgedýärler diýip belledi.
Eýran Yslam Respublikasynyň Prezidenti şeýle-de Tähran sebitde hemişe parahatçylygy we asudalygy gözleýär we Eýranyň BRICS-de bolmagy Günbataryň totalitarizmi we sanksiýalaryň netijeliligini peseldip biler diýip nygtady.
Günorta Afrikanyň prezidenti hem Eýran Yslam Respublikasynyň BRICS-e agzalygynyň bu topary güýçlendirjekdigini aýtmak bilen BRICS dünýä ýurtlarynyň köpçülikleýin ösüşini isleýär diýdi.
Siril Ramafosa şeýle hem Halkara Adalat Kazyýetinde Günorta Afrikanyň Ysraýyla garşy eden şikaýatyna salgylanyp, bu sahna adam hukuklaryny talap edýänleriň ikiýüzliligini ýene bir gezek görkezdi diýdi.
