Eýranyň, Yragyň we Siriýanyň daşary işler ministrleriniň ýygnagynyň bilelikdäki beýany

Eýran Yslam Respublikasy, Yrak we Siriýanyň daşary işler ministrleri Bagdatda üç taraplaýyn ýygnak geçirmek arkaly bilelikde beýannama berdiler.

Sahab ulgamynyň habaryna görä, "Syed Abbas Araghchi", "Fawad Hossein" we "Bassam Al-Sabbagh", Eýran Yslam Respublikasy, Yrak we Siriýanyň daşary işler ministrleri geçen anna güni Yragyň paýtagty Bagdatda Yragyň daşary işler ministrliginde üç taraplaýyn ýygnak geçirdiler.

Bu duşuşykda üç ýurduň daşary işler ministrleri sebitiň umuman ýüzbe-ýüz bolýan kynçylyklary we Siriýada bolup geçen soňky howpsuzlyk wakalary we sebitde giňelmek mümkinçiligi barada pikir alyşdylar.

Eýranyň, Yragyň we Siriýanyň daşary işler ministrleri sionist režimiň Siriýa, Gaza we Liwana garşy yzygiderli agressiýasyny we her dürli terrorçylygy ýazgaryp bu meseläni çözmek üçin köpçülikleýin tagallalara ünsi çekdiler.

Bu beýannamada Siriýanyň özygtyýarlylygy we bitewiligi we garaşsyzlygy nygtaldy we sebiti dartgynlylykdan uzaklaşdyrmak üçin diplomatik geňeşmelerden we sebitleýin we halkara tagallalardan başga çäräniň ýokdugy mälim edildi.