Eýranyň we BAE-nyň daşary işler ministrleriniň arasyndaky sebitdäki wakalar barada söhbetdeşlik

Eýranyň Daşary işler ministri we Birleşen Arap Emirlikleriniň premýer-ministriň orunbasary we Daşary işler ministri Siriýa ünsi jemläp sebitdäki wakalar barada söhbetdeş boldylar we pikir alyşdylar.

Sahab ulgamynyň Eýranyň Daşary işler ministrliginiň Baş maglumat sekretaryndan salgylanyp beren habaryna görä, Eýranyň Daşary işler ministri Seýid Abbas Aragçi we BAE-nyň premýer-ministriniň orunbasary we Daşary işler ministri Abdullah Bin Zaýed Al Nahýan penşenbe güni agşam telefon arkaly söhbetdeşlikde Siriýadaky täze ýagdaýy ara alyp maslahatlaşdylar we Siriýanyň garaşsyzlygyny we territorial bitewiligini goramagyň we bu ýurduň howpsuzlygyny we durnuklylygyny goramagyň zerurdygyny bellediler.

Eýranyň we BAE-nyň daşary işler ministrleri şeýle hem Sionist režimiň Siriýa gury ýer we howa hüjümlerini duruzmagyny zerur hasapladylar.

Bu telefon söhbetdeşliginde taraplar sebitdäki parahatçylygy we durnuklylygy goramagyň we häzirki duýgur ýagdaýda sebit ýurtlarynyň arasyndaky dostluk we hyzmatdaşlygyň atmosferasyny bozmak üçin prowokatiw hereketlerden gaça durmagyň ähmiýetini ara alyp maslahatlaşdylar.