Eýran bilen Hytaýyň hemmetaraplaýyn strategiki hyzmatdaşlygy
Eýranyň we Hytaýyň daşary işler ministrleri soňky iki ýylda iki ýurduň arasyndaky strategiki hyzmatdaşlygyň düzgünlerini durmuşa geçirmekdäki ösüşe oňyn baha berdiler.
Eýranyň we Hytaýyň daşary işler ministrleri soňky iki ýylda iki ýurduň arasyndaky strategiki hyzmatdaşlygyň düzgünlerini durmuşa geçirmekdäki ösüşe oňyn baha berdiler.
Resmi wekiliýetiň başynda Hytaýa giden Eýran Yslam Respublikasynyň Daşary işler ministri Seýid Abbas Aragçi Hytaýyň Daşary işler ministri Wan Yi bilen duşuşdy we söhbetdeş boldy. Bu duşuşykda Eýranyň we Hytaýyň daşary işler ministrleri iki ýurduň liderleriniň strategiki görkezmeleriniň kölegesinde iki ýurduň giňişleýin hyzmatdaşlyk maksatnamasyny durmuşa geçirmäge we syýasat ugurlarynda dolandyryş tejribe alyşmaga synanyşjakdyklaryny aýtdylar. Taraplar şeýle-de diplomatiýa, parlament, goranmak we howpsuzlyk, hukuk goraýjy, kazyýet, Ykdysadyýeti we işewürligi güýçlendirmek hakda maslahatlaşdylar.
Iki ýurduň daşary işler ministrleri ýaşlar, bilim, sport, ylym we tehnologiýa, medeniýet, syýahatçylyk, daşky gurşaw, saglygy goraýyş we bejeriş, radio we telewideniýe, şeýle hem adamlar bilen halk arasynda alyş-çalyş gatnaşyklaryny güýçlendirmeklige ünsi çekdiler.
Aragçi X sosial ulgamynda hytaýly kärdeşi Wan Yi bilen ikitaraplaýyn, sebitleýin we halkara meseleleriň giň toparynda örän peýdaly we giňişleýin söhbetdeşlik edendigini ýazdy. Giňişleýin strategiki hyzmatdaşlar hökmünde Eýran we Hytaý ikitaraplaýyn gatnaşyklary güýçlendirmek we iki ýurduň bähbitlerini ösdürmek, şeýle hem halkara derejesinde kanunyň hökmürowanlygyna we parahatçylyga we howpsuzlyga goşant goşmak üçin ýakyn ikitaraplaýyn geňeşmeleri giňeltmegi maksat edinýärler.
Eýranyň we Hytaýyň daşary işler ministrleri terrorçylyga garşy göreşi güýçlendirmek, halkara derejesinde kanunyň hökmürowanlygyny güýçlendirmek, ýadro meselesi we sanksiýalary ýatyrmak, şeýle hem iki tarapyň hem agzalary bolan guramalaryň çäginde hyzmatdaşlygy giňeltmegiň möhümdigini ara alyp maslahatlaşdylar. Aragçi, şeýle hem, Eýranyň 2025-nji ýylda Şanhaý Hyzmatdaşlyk Guramasynyň Hytaýyň döwüleýin başlyklygyny goldaýandygyny mälim etdi.
Şol wagt Eýran Yslam Respublikasynyň we Hytaýyň daşary işler ministrleri iki ýurduň giňişleýin hyzmatdaşlyk meýilnamasynyň resminamasyna gol çekdiler.
