Garibabadi: Adam hukuklarynyň bardygyny öňe sürýän ýurtlar Eýran halkynyň hukuklaryny bozdylar
Eýranyň Daşary işler ministrliginiň hukuk we halkara gatnaşyklar ministriniň orunbasary adam hukuklarynyň bardygyny öňe sürýän ýurtlar sanksiýalar girizmek arkaly Eýran halkynyň hukuklaryny bozdylar diýdi.
IRNA habar gullugynyň beren habaryna görä, Eýranyň Daşary işler ministrliginiň hukuk we halkara gatnaşyklar ministriniň orunbasary Kazem Garibabadi düýn, penşenbe güni Ženewada Eýranyň başlangyjy we BMG-nyň adam hukuklary syýasy mehanizmleriniň gözegçiligi astyndaky ýurtlaryň gatnaşmagynda geçirilen ýygnakda goşa standartlaryň we adalatsyz adam hukuklary mehanizmleriniň döredilmegini tankytlamak bilen, adam hukuklaryny goldaýandygyny öňe sürýän ýurtlar Eýran üçin sanksiýalar we terroristleri goldamak ýaly köp sanly kynçylyklary döretdiler we halkyň hukuklaryny giňden bozdylar we jogapkärçiligiň ýerine, utançsyzlyk bilen Yslam Respublikasyny adam hukuklaryny bozmakda aýyplaýarlar we has köp basyş etmek maksady bilen syýasy mehanizmleri girizýärler diýdi.
Garibabadi, Gazada on müňlerçe adamyň öldürilmegine dünýäniň şaýadydygyny we adam hukuklaryny öňe sürýän bu ýurtlaryň sionist režime garşy çäre görmändigini, gaýtam muny goldaýandygyny aýtmak bilen, ösüp barýan ýurtlara garşy syýasy we adalatsyz adam hukuklary mehanizmlerini girizmek, bu ýurtlaryň içerki işlerine gatyşmak we özygtyýarlylygyny bozmak diýip hasaplamak bilen bu ýurtlaryň syýasy hereketleri bir ýagdaýdadyr welin özleri, öz halkyna we beýleki ýurtlaryň halklaryna garşy adam hukuklarynyň giňden bozulmagy bilen meşgullanýarlar diýdi.
ýygnaga gatnaşan beýleki ýurtlaryň ilçileri hem Eýranyň bu ýygnagy geçirmek başlangyjyna minnetdarlyk bildirmek bilen, adam hukuklarynyň kemsidilmegine alada bildirdiler we bar bolan gözegçilik mehanizmleriniň netijesiz, saýlama we syýasydygyny aýtdylar.
