Eýran: Palestinalylar syýasy gorkuzma bilen watanyndan göçmezler
Eýranyň Daşary işler ministrliginiň metbugat sekretary ABŞ-nyň prezidentiniň palestinalylary Gaza zolagyndan göçürmek baradaky talaplaryna jogap edip, syýasy gorkuzma we demografiki geografiýany manipulirlemek palestinalylary göçmäge mejbur edip bilmejekdigini aýtdy.
IRNA habar gullugynyň habaryna görä, Eýranyň Daşary işler ministrliginiň metbugat sekretary Ysmaýl Bagaýi Hamaneh "X" sosial ulgamynda ABŞ-nyň täze prezidentiniň Gaza zolagyny ewakuasiýa etmek baradaky jedelli talaplaryna jogap hökmünde, basypalyjylaryň genosidiniň palestinalylary watanyndan ýok edip bilmändigine salgylanyp, Palestini "kolonial ýok etmek" meýilnamasynyň bir bölegi hökmünde Gazany "arassalamak" ideýasy Amerikanyň ölümli ýaraglaryny we ok-därilerini, şeýle hem Waşingtonyň maliýe, syýasy we aňtaw goldawyny ulanyp, uzak wagt bäri dowam edip gelýär diýip ýazdy.
Eýranyň Daşary işler ministrliginiň metbugat sekretary şeýle hem Palestina bilen Gazanyň palestinalylaryň mekanydygyny aýtmak bilen palestinalylaryň öz ykbalyny kesgitlemek hukugy we basyp alyşlykdan azatlygy ugrunda göreşmek üçin gaty agyr töleg töländigini aýtdy.
