Gasemi: Eýran bilen Yragyň gowy gatnaşyklary dowam edýär
Eýranyň daşary işler ministrliginiň metbugat wekili Bahram Gasemi Eýran bilen Yrak döwletleri Amerikanyň betniýetli hereketlerine garamazdan ikitaraplaýyn gowy gatnaşyklaryny dowam etdirip durandyrlar diýip yglan etdi.
şu gün Eýranyň daşary işler ministrliginiň metbugat wekili Bahram Gasemi içeri we daşary habarçylaryň arasynda Eýran bilen ykdysady hyzmatdaşlyklaryny azaltmak üçin Amerikanyň Yraga basyş býerýänligi barada ara atylan soragyň jogabynda goňşy ýurt bolan Yrak, Eýranyň ykdysady hyzmatdaşlaryndandyr we iki ýurdyň arasyny degişdirmek ugurdaky Amerikanyň duşmançylykly hereketleri başa barmaz diýip nygtady.
Eýranyň daşary işler ministrliginiň metbugat wekili Bahram Gasemi sözüniň dowamynda Eýranyň daşary işler ministrniň Katara gurnan saparyna we sebitleýin täze diplomatiýanyň şekillenmegine yşarat edip Eýranyň sebitleýin syýasatlary hakykatlar esasynda sebitleýin maksatlary yzarlaýan öňki syýasatlardyr diýip yglan etdi.ş
Eýranyň daşary işler ministrliginiň metbugat wekili Bahram Gasemi şeýle-de Orsýet we Hytaý kompaniýalarynyň Eýranyň nebit we gaz proýektlerinden gyraga çekilmegi barada ara atylan soragyň jogabynda döwletler tarapyndan resmi şeklinde yglan edilmese bu hili habarlara üns berilmelidäldir diýip beýan etdi.
