Sanaei:Amerikanyň gadaganlyklary Tehran-Moskwanyň gatnaşyklaryna täsiri ýokdyr
Eýranyň Orsýetdäki ilçisi Mehdi Sanaei Amerikanyň Eýran we Orsýete garşy ýola berýän bir taraplaýyn gadaganlyklary iki ýurduň gatnaşyklaryna täsiri ýokdyr diýmek bilen soňky wagtlarda Tehran Moskwanyň dürli ugurlardaky gatnaşyklarynyň we hyzmatdaşlyklarynyň görnetin şekilinde ösenligini aýtdy.
Irna habarlar gullugynyň beren habaryna görä,Mehdi Sanaei düýn Moskwada Eýranyň goşun güni mynasibetli geçirilen dabarada beren gürrüňlerinde Orsýet mydama Eýran Yslam Respublikasynyň harby güýçleri bilen dostlukly gatnaşyklary saklandyr we saklap gelýändir diýmek bilen bu gatnaşyklaryň ösüşe bakanlygyny nygtady.
Sanaei şeýle-de Amerikanyň Eýranyň yslam ynkylabynyň sepah pasdaran güýjüne garşy eden işine salgylanyp Amerika döwletiniň sebitde terrorizme garşy göreşde bir simwola dönen we Eýranyň ýaragly güýçleriniň bir bölümi bolýan sepah pasdarany bir terrorçy gurama diýip tanatmagyndan gynanç bildirip ony ýazgardy.
Amerikanyň bu ýalňyş tutumy Waşingtonyň beýleki ýalňyş hereketleri ýaly sebitiň howpsuzlygyna wahym hasaplanýandyr diýip Mehdi Sanaei sözüne goşdy.
