Eýranyň ilçihanasy: betniýetli adamlar Baku bilen Tehranyň arasyndaky gatnaşyklary bozmaga synanyşýarlar

Eýran Yslam Respublikasynyň Azerbaýjan Respublikasyndaky ilçihanasynyň metbugat bölümi çarşenbe güni käbir habar beriş serişdeleriniň duşmançylykly habarlarynyň çap edilmegine jogap hökmünde betniýetli adamlar we duşmanlar iki dost we dogan ýurtlaryň arasyndaky gatnaşyklary bozmaga synanyşýarlar diýip yglan etdi.

IRNA habar gullugynyň maglumatyna görä ýaňky Hasabatda şeýlegetirlipdir: "Soňky günlerde Eýran Yslam Respublikasynyň ýokary derejeli resmileriniň aç-açan pozisiýalaryna garamazdan, Azerbaýjan we Eýran Respublikasynyň duşmanlary iki ýurduň arasyndaky ýakyn gatnaşyklary bozmak ugurdaky erbet maksatlaryna ýetmäge synanyşýarlar".

Eýran Yslam Respublikasynyň Azerbaýjan Respublikasyndaky ilçihanasy, Eýran Yslam Respublikasynyň Azerbaýjan bilen Ermenistanyň arasyndaky dawa baradaky pozisiýalary hakdaky soňky myş-myşlaryň düýpden ýalan we esassyzdygyny mälim edýär diýip yglan etdi.