Türkmenistanyň prezidenti Eýran bilen söwda hyzmatdaşlygyny ýokarlandyrmagy nygtady
Türkmenistanyň Prezidenti Eýran harytlarynyň ýöriteleşdirilen sergisine gatnaşyjylara ýüzlenip, Eýran Yslam Respublikasy bilen ikitaraplaýyn söwdany ösdürmäge çagyrdy.
"Eýran taslamasy" atly Eýran önümleriniň ýöriteleşdirilen sergisi şu gün (anna) Türkmenistanda açyldy we ýekşenbe gününe çenli dowam eder.
Fars habar gullugynyň habaryna görä; Türkmenistanyň prezidenti Serdar Berdimuhamedow "Eýran taslamasy" we "Türkmenistan-Eýran işewürlik toplumy" ýöriteleşdirilen sergä gatnaşyjylara ýüzlenip beren sargydynda ikitaraplaýyn söwda mukdaryny ösdürmäge, özara gatnaşyklaryň täze görnüşlerini döretmäge we geljegi uly ugurlarda bilelikdäki taslamalary durmuşa geçirmäge ünsi çekdi.
Berdimuhamedow Eýran bilen hyzmatdaşlykda, esasanam "Gazagystan-Türkmenistan-Eýran" demirýol liniýasynyň ugrunda özara gatnaşyklar üçin açylýan perspektiwalara yşarart edip Türkmenistanyň we Eýranyň işewür toparlarynyň ykdysady taslamalary, şol sanda ýakyn wagtda geçiriljek işewürlik forumynyň çäginde hödürlenjek taslamalar iki ýurduň arasyndaky gatnaşyklary pugtalandyrmakda aýratyn rol oýnar diýdi.
Şeýle hem, Türkmenistanyň prezidentiniň ýüzlenmesinde şu günler Aşgabatda geçiriljek Türkmenistan bilen Eýranyň arasyndaky ykdysady hyzmatdaşlyk boýunça hökümetara toparynyň işine aýratyn üns berildi we geljekdäki gepleşikleriň we şertnamalaryň iki goňşy ýurduň işewür adamlarynyň täze ugurlardaky hyzmatdaşlygyny güýçlendirmek we giňeltmek, şeýle hem iki tarap üçin hem gyzyklanma bildirýän taslamalaryň soňraky durmuşa geçirilmegi üçin zerur şert boljakdygyna şek ýokdyr diýip sözlerine goşdy.
Bu ýöriteleşdirilen sergi şu gün Türkmenistanyň Söwda-senagat palatasynda başlandy we 19-njy noýabrda dowam edýär.
Bu sergi bilen bir hatarda Eýran bilen Türkmenistanyň Bilelikdäki Ykdysady Komissiýasynyň 17-nji ýygnagy hem meýilleşdirilýär.
