Ysraýyl režimiň Gazadaky hüjümlerinde şehit bolan adamlaryň sanynyň artmagy dowam edýär
Gaza sektorynyň Deýr al-Beleh sebitinde hem Ysraýylyň hüjümleriniň netijesinde ýene-de 2 çaganyň pida bolandygy beýan edildi
Gaza sektorynyň Deýr al-Beleh sebitinde hem Ysraýylyň hüjümleriniň netijesinde Fetair maşgalasyndan 2 çaganyň pida bolandygy beýan edildi
Ysraýyl režimiň harby güýçleriniň gabaw astyndaky Gaza sektorynda guran soňky hüjümlerinde aralarynda çagalar hem bolan 22 palestinalynyň şehit bolandygy we köp sanda adamyň ýaralanandygy mälim edildi.
Palestinanyň resmi habarlar agentligi WAFA tarapyndan berilen habarlarda, Ysraýylyň Han Ýunus şäheriniň günortasyna, günbataryna we bosgun düşelgelerine hüjümler gurandygy aýan edildi.
Hüjümde Han Ýunus şäheriniň Mikdad, An-Nejjar we Al-Amudi maşgalalaryndan 20 adamyň pida bolandygy, köp sanda adamyň ýaralanandygy bellenen habarda, şehit bolanlaryň arasynda çagalaryň hem bardygy habar berildi.
Gaza sektorynyň Deýr al-Beleh sebitinde hem Ysraýylyň wagşyçylykly hüjümleriniň netijesinde Fetair maşgalasyndan 2 çaganyň şehit bolandygy beýan edildi.
Gazadaky hökümet tarapyndan düýn agşam berilen beýanatda Ysraýylyň gabawy astyndaky Gaza sektorynda 7-nji oktýabrdan bäri dowam edýän hüjümlerde şehit bolanlaryň sanynyň aglabasy zenanlardan we çagalardan ybarat bolmak bilen 18 müň 412 adama, ýaralananlaryň sanynyň bolsa 50 müň 100 adama ýetendigi mälim edilipdi.
Hamasyň harby şahasy Kassam topary 7-nji oktýabrda Ysraýyla garşy "Al-Aksa Tupany" ady bilen giň göwrümli hüjüm başladandygyny habar beripdi.
Ysraýylyň goşuny hem şoňa jogap hökmünde harby uçarlary bilen Gaza sektoryna hujumlaryny başladandygyny beýan edipdi.
Şeýle-de Ysraýylyň Kanal 12 telewideniýe kanalynda berilen habarlarda, Ysraýylyň gepleşiklere taýardygy, gepleşikleriň gün tertibinde boljak toparyň bolsa syrkawlary, ýaralananlary, ýaşulylary we zenanlary öz içine aljakdygy mälim edildi.
Habarda geljek hepde täze ylalaşyk gazanyp bolmajakdygyny, emma Ysraýylyň Hamasa basyş etmek üçin täze bir tapgyr başlatmak isleýändigi öňe sürüldi.
Habarda ady aýan edilmedik ýokary derejeli resmileriň biriniň "täze şertnamalaryň baglaşylmagy üçin şertler ýeterlik" diýendigi aýan edildi.
Ýesir çalşygynyň çäginde Gaza sektoryndan ysraýylly 81 ýesir, Ysraýylyň tussaghanalaryndan palestinaly 240 ýesir azat edilipdi.
