Gazadaky elhenç wakalar
Sionist goşunyň Gaza zolagynyň dürli sebitlerine garşy güýçli hüjümleri dowam etdirilýär.
Basyp alyjy Sionist goşunyň Gaza zolagynyň dürli sebitlerine garşy güýçli hüjümleri dowam etdirilýär.
Al-Aqsa tupany operasiýasyndan 70 gün töweregi wagt geçdi we Ysraýyl goşunynyň harbylary ýaşaýyş ýerlerini, esasanam Gazadaky palestinaly bosgunlaryň gaçybatalgalaryny nyşana alýarlar.
Palestinanyň Saglyk ministrligi Gaza zolagynda sişenbe güni irden: "Sionistler hassahanalara, lukmançylyk işgärlerine we derrew bejergä mätäç 8000 töweregi ýaraly adama hüjüm etdi diýdi.
Gazanyň saglygy goraýyş edaralarynyň habar bermegine görä, 7-nji oktýabrdan bäri 18,000 palestinaly şehit boldy we bu sebitde yzygiderli howa we gury ýer hüjümlerinde 49229-dan gowrak adam ýaralandy. Bu statistika, Ysraýylyň alyp barýan işleri bilen artýar.
Birleşen Milletler Guramasynyň kömek guramalary Sionist režimiň parahat ilata garşy wagşyçylykly hüjümleriniň täsiri astyndaky Gazadaky ýagdaýy "ahyrzamanlyk" diýip häsiýetlendirdi we häzirki şertlerde Gazanyň ilatynyň ýarysynyň açdygyny we her halta unuň 95 dollar bolandygyny aýtdy.
BMG-nyň azyk bilen baglanyşykly meseleler boýunça hasabatçysy "Maýkl Fahri" Al Jazeera bilen geçirilen söhbetdeşlikde: Gaza zolagynda 2,3 milliondan gowrak adamyň açlyga duçar bolýandygyny aýtdy.
Birleşen Milletler Guramasynyň Palestina bosgunlaryna kömek we iş gullugynyň (UNRWA) baş komissary Filip Lazzarini hem beren gürrüňlerinde Ysraýyl, Gaza zolagynyň ýaşaýjylaryny bu sebitden zor bilen göçürmäge synanyşýar diýdi.
Ol: Gaza zolagynda döredilen dowzahy duruzmak üçin ot açyşlygyň bes edilmelidigini aýtdy. UNRWA we Gaza zolagynyň umumy gurluşy ýakyn wagtda çöker we bu halkara jemgyýetçiliginiň Gaza zolagyna dönüklik we biperwaýlygy aňladýar diýdi.
Amerika soňky ýyllarda sionistleriň jenaýatlaryny elmydama goldaýan ýurtlaryň biridir we sionist režimi bu goldaw arkaly palestinalylara garşy wagşyçylykly jenaýatlary etdi.
