Ismail Heniýýeniň terror edilmegi barada Howpsuzlyk Geňeşiniň ýygnagy

Amir Said Irwani Howpsuzlyk Geňeşiniň mejlisinde Ismail Heniýýeniň şehit edilmegi barada Amerikanyň Birleşen Ştatlarynyň Ysraýyl režimiň strategiki ýarany we esasy goldawçysy hökmünde jogapkärçiligini nygtady.

  Eýran Yslam Respublikasynyň Birleşen Milletler Guramasyndaky ilçisi we hemişelik wekili Amir Said Irwani Howpsuzlyk Geňeşiniň mejlisinde Ismail Heniýýeniň şehit edilmegi barada Amerikanyň Birleşen Ştatlarynyň Ysraýyl režimiň strategiki ýarany we esasy goldawçysy hökmünde jogapkärçiligini nygtady. Amir Said Irwani bu aýylganç jenaýatyň Amerikanyň Birleşen Ştatlarynyň rugsady we aňtaw goldawy bolmazdan amala aşyrylyp bilinmezdi diýendir.

Amir Said Irwani BMG Howpsuzlyk Geňeşiniň Günbatar Aziýadaky ýagdaýlar baradaky mejlisinde Eýran Yslam Respublikasynyň bu aýylganç terrorçylyk hereketini iň güýçli ýagdaýda ýazgarýandygyny we muny halkara hukugynyň we Birleşen Milletler Guramasynyň Tertipnamasynyň çynlakaý bozulmagy hasaplaýandygyny aýtdy.

Sionist režimiň global ýazgarylmagyna sezewar bolan Şehit Ismail Heniýýeniň janyna kast etmekdäki terrorçylyk hereketi; Şübhesiz, Waşingtonyň maglumat we harby kömegi bilen bolandyr.

Syýasatşynas Amin Farjad bu meselede "Amerikanyň Birleşen Ştatlarynyň sionist režimine berýän goldawy, bu režimiň jenaýatkär premýer-ministri Benýamin Netanýahunyň sebitde guduz it ýaly boşadylmagyna sebäp boldy we ol  islendik jenaýati edýär diýdi".

 Sionist režimiň jenaýatlarynyň dowam etdirilmegi sebitiň we dünýäniň parahatçylygyny we howpsuzlygyny çynlakaý bozmakdyr we BMG Howpsuzlyk Geňeşiniň Tertipnama esaslanýan borçlaryny ýerine ýetirmekde gyssagly we täsirli çäreleri talap edýär. Şeýle-de bolsa, BMG Howpsuzlyk Geňeşiniň agzalary bu geňeşiň gyssagly ýygnagynda Ismail Heniýýeniň Tähranda Ysraýyl tarapyndan terror edilmegini ýazgardylar.

Bu aralykda, Howpsuzlyk Geňeşiniň hemişelik agzalary hökmünde Hytaýyň we Russiýanyň wekilleriniň gatnaşmagy bilen sebitde sionist režimiň terrorçylyk hereketleriniň dowam etmeginiň öňüni almak üçin çynlakaý kararyň kabul edilmegine garaşylýar. Birleşen Milletler Guramasyndaky  Hytaýyň ilçisi we hemişelik wekili Ismail Heniýýeniň öldürilmegini sebitdäki parahatçylykly tagallalary ýok etmek synanyşygy hasaplady.

Russiýanyň Birleşen Milletler Guramasyndaky ilçisi we wekiliniň orunbasary Haniýehiň janyna kast edilmegini ýazgardy.

Algeriň Birleşen Milletler Guramasyndaky ilçisi we wekili Howpsuzlyk Geňeşiniň mejlisinde munuň ýönekeý hüjüm däldigini, zalym hereket we bir ýurduň milli özygtyýarlylygyny bozmakdygyny aýtdy. Onuň sözlerine görä, bu diňe bir adama däl-de, eýsem diplomatik gatnaşyklara we dünýä tertibiniň ýörelgelerine we esaslaryna gazaply hüjüm boldy diýdi.