Birleşen Milletler Guramasy Kudusda Palestinalylaryň öýleriniň ýykyp ýumurylmagyny ýazgardy

Birleşen Milletler Guramasy basyp alynan Kudusda Ysraýyl režimi tarapyndan Palestinalylaryň öýleriniň ýykyp ýumurylmagynyň ýatyrylmagyny talap etdi.

Fars habarlar gullugynyň beren habaryna görä,Birleşen Milletler Guramasy düýn Twitter sahypasynda bir sargyt boýunça Sionist režiminden Kudus şäherinde Palestinalylaryň jaýlaryny ýykyp ýumurmakdan saklanmagyny isledi.

Halkara Günä Geçiş Guramasy hem Sionist režiminiň bu işini ýazgaryp bu işi halkara kanunlara garşy hasaplady.

Fransiýa döwleti hem Sionistleriň Kudusda amala aşyrýan işlerini ýazgardy.şol bir wagtda Ýewropa Bileleşiginiň daşary syýasatynyň jogapkärynyň metbugat wekili Maja Koçijançiç hem Sionist režiminiň şäherçe salmak işlerini ýazgarmak bilen Palestinalylaryň jaýlaryny ýykmakdan saklanmaklaryny isledi.

Palestinanyň ähli toparlary şol sanda Hemas hereketi hem Sionistleriň bu jenaýatlaryny ýazgarmak bilen olaryň bu işine berk jogabyň beriljekdigini yglan etdiler.

Sionist režimi düýnden basyp alynan Kudusyň günorta gündogarynda ýerleşen Surbaher şäheriniň Wady Al-Homs sebitinde Palestinalylara degişli 100 jaýy ýykmak işini başlandyr.