Amerikanyň daşary işler ministriniň Eýran baradaky täze toslamasy
Amerikanyň Döwlet sekretary Waşingtonyň ýadro şertnamasyndan bikanun çekilendigini agzamazdan Eýran barada täze toslamany ara atdy.
Fars habar gullugynyň habaryna görä, Amerikanyň daşary işler ministri Entoni Blinken ýekşenbe güni beren interwýusynda bu ýurduň Eýranyň IAEA-nyň ýadro borçnamalaryna gaýdyp gelmek kararyna entek hiç hili alamat görmändigini toslady.
Bu toslama bir ýagdaýdadyr welin Amerika Donald Trump administrasiýasy döwründe ýadro ylalaşygyndan birtaraplaýyn yza çekilmegi bilen Eýran halkyna garşy iň ýokary basyş etmek maksady bilen ykdysady terrorçylygy amala aşyrandyr.
ABŞ-nyň prezidenti Jo Baýden Ak tamyň Eýrana garşy alyp barýan öňki syýasatyny tankytlan bolsada, ýöne ýadro ylalaşyga gaýdyp gelmegini Eýranyň hereketi bilen şertli edendir.
Baýden haýsy döwletiň ýadro şertnamasyndan çykandygyna yşarat etmezden Eýran ýadro şertnamasynyň doly durmuşa geçirilmegine gaýdyp gelse, Waşington hem bu şertnama gaýdyp geler diýip wada berdi.
Eýran Yslam Respublikasy, Amerikanyň Eýrana garşy ähli sanksiýalary iş ýüzünde ýatyrlanda we sanksiýalaryň ýatyrylmagy Eýran tarapyndan tassyklanmagyndan soň öz üstüne alan borçnamalaryna gaýdyp geljekdigini aýdandyr.
