Azerbaýjanyň Eýrana garşy ýalan aýyplamasy
Azerbaýjan Respublikasynyň Daşary işler ministrligi Tährany hiç hili resminama bermezden bu ýurduň parlament agzasynyň janyna kast etmekde günäkärledi.
Soňky aýlarda Azerbaýjan Respublikasy Eýran Yslam Respublikasyna garşy dürli ýollar bilen ýalan aýyplamalar etmäge synanyşdy.
Tähran, Bakuwyň hoşniýetli goňşyçylyk ýörelgelerine laýyk gelmeýän we gapma-garşylykly sözlere garşy iki ýurduň arasynda köpden bäri dowam edip gelýän gatnaşyklarda dartgynlygyň höküm sürmeginiň öňüni almaga synanyşdy. Emma bu aýyplamalar Azerbaýjan bilen Ysraýylyň ýakynlaşmagy bilen bir wagtda artýan ýaly.
Azerbaýjan Respublikasynyň mejlisiniň agzasy Fazel Mustafa sişenbe güni agşam Sabunçidäki öýüniň öňünde ýaragly hüjümde iki ok bilen ýaralandy.
IRNA habar gullugynyň anna güni beren habaryna görä, Azerbaýjan Respublikasynyň Daşary işler ministrliginiň metbugat sekretary Aýhan Hajizadeh, Fazel Mustafa garşy geçirilen bu terrorçylyk hereketiniň deslapky derňewlerinde Eýranyň yzlaryny görüp boljakdygyny öňe sürdi.
Bakuw Tährana hiç hili sebäpsiz ýa-da subutnamasyz täze aýyplama bildirdi
