Birleşen Milletler Guramasynyň Baş sekretary: Tupanlary çäklendirmek üçin ýylylygy çäklendirmeli
Birleşen Milletler Guramasynyň Baş sekretary gum we tozan tupanlary bilen baglanyşykly sammite iberen ýüzlenmesinde ösen ýurtlary howanyň üýtgemegi bilen baglanyşykly maliýe çeşmelerini we beren wadalaryny durmuşa geçirmäge çagyrdy.
Eýran Yslam Respublikasy, Birleşen Milletler Guramasy bilen hyzmatdaşlykda tozan tupanlaryna garşy göreş boýunça halkara konferensiýa geçirýär.
Şonuň üçin düýn şenbe güni Tähranda "Gum we tozan tupanlaryna garşy göreş" atly halkara sammiti başlandy.
IRIB habar gullugynyň habaryna görä; BMG-nyň Baş sekretary Antonio Guterres bu sammite wideo ýüzlenmesinde 330 milliondan gowrak adamyň tozan tupanyndan ejir çekendigini we adam işjeňliginiň bu tupanlary hasam güýçlendirýändigini aýtmak bilen bu tupanlar oba hojalyk önümlerini ýok edýär, mallary öldürýär we senagata we adam saglygyna zyýan ýetirýär; Emma adamlaryň hereketleri we çäreleri onuň köşeşmegine kömek edip biler diýdi.
Birleşen Milletler Guramasynyň Baş sekretary, tozan tupanlarynyň öňüni almak we olara garşy göreşmek boýunça halkara hyzmatdaşlygyna ünsi çekip, bu meseläniň sebäplerini daýhanlara ýerüsti topragy goramak we ekosistemalary dikeltmek arkaly goldamalydyrys we suw dolandyryşyny we suwaryş usullaryny gowulandyrmagy we arassa suw çeşmelerine adam hukugy hökmünde girmegi ykrar etmelidiris diýdi.
Guterres sözleriniň başga bir bölüminde tupanlary çäklendirmek üçin ýylylygy çäklendirmegiň zerurdygyny aýtdy.
Tozan tupanlaryna garşy göreşmek boýunça halkara konferensiýany geçirmegiň maksady, tozan täsir eden ýurtlaryň kynçylyklaryny we meselelerini öwrenmek we bu global kynçylygy we meseläni çözmek üçin amaly çözgütleri bermekden ybaratdyr.
