bölüm 808,süre Ýasyn,Aýat 45-50

راهی بسوی نور (808)

Ýasyn süresi, 45 we 46-njy aýatlar :

وَإِذَا قِيلَ لَهُمُ اتَّقُوا مَا بَيْنَ أَيْدِيكُمْ وَمَا خَلْفَكُمْ لَعَلَّكُمْ تُرْحَمُونَ (45) وَمَا تَأْتِيهِم مِّنْ آيَةٍ مِّنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ (46)

<< haçanda olara öňüňizdäki we iziňizdäki zatlardan gorkyň, belki Allanyň rahmetine  gabat geldiňiz dilip aýdylanda ( olar üns bermeýärdiler ) // we perwerdigärleriniň nyşanalaryndan hiç bir nyşan olara inmedi meger olar ondan ýüz öwürdiler .>>

Geçen gepleşiklerde allanyň barlykdaky azamatynyň we gudratynyň nyşanalaryndan gürrüň etdik . şol gürrüňleriň dowamynda gurhan kerim bu aýatlarda : halkyň bir topary allanyň we pygamberleriň aýdanlaryna üns bermegiň deregine we allanyň nyşanalaryndan ybrat almagyň deregine hakdan ýüz öwürýärler we haçanda olardan öz boluşlaryna we işlerine esewan bolmaklyk islense olar bu islege üns bermän özleriniň hata işlerini dowam edýärler, emma egerde olar öz eden etmişlerinden gaýdyp özlerini düzeltseler olar allanyň rahmetine gabat gelip Alla olaryň ozalky hata işlerini geçjekdir .

Gurhan kerimiň bu aýatlarynyň öwredýän sapaklary :

1- allanyň barlykdaky nyşanalary köpdir ýöne halkyň şol nyşanalary görüp şolardan ybrat almaklary azdyr .

2- allanyň rahmet  gapylary hemişe açykdyr meger ynsanyň özi şol rahmet  gapyny baglamasa.

Ýasynn süresi 47-nji aýat :

وَإِذَا قِيلَ لَهُمْ أَنفِقُوا مِمَّا رَزَقَكُمْ اللَّهُ قَالَ الَّذِينَ كَفَرُوا لِلَّذِينَ آمَنُوا أَنُطْعِمُ مَن لَّوْ يَشَاءُ اللَّهُ أَطْعَمَهُ إِنْ أَنتُمْ إِلَّا فِي ضَلَالٍ مُّبِينٍ (47)

<< haçanda olara : allanyň size bagyş eden zadyndan sadaka beriň dilip aýdylanda , olaryň kapyrlary möminlere ýüzlenip : Alla islese doýrup bilýän adamsyny doýruýlymy ? siz äşgär gümralykda ( ýaşaýan )syňyz diýip aýdýarlar .>>

Gurhan kerim bu aýatda kapyrlaryň teris düşünmekleriniň we edýän jedelleriniň birisine yşarat edip : allanyň möminlere beren buýruklarynyň birisi mätäç adamlara sadaka bermeklikdir elbetde her bir akylly adam bu işiň gowy işdigini ykrar edýändir ýöne jedelkeş kapyrlar allanyň buýruklaryna şübhe bildirip : näme üçin Alla , mätäçleri doýurmagyň we geýdirmegiň deregine "olary doýuryň we geýdiriň" diýip buýruk berýär, Alla işlese özi bu işi edip bilerdi ýöne allanyň özi bu zady islemeýän bolmaly diýip aýdýarlar .

Elbetde kapyrlaryň bildirýän bu şübheleri olaryň doň pikirliligi üçin we olaryň hak bilen jedel etmekleri üçindi. ýogsa biziň hemme zadymyz hatda garyp-gasarlara bagyş edýän zatlarymyz hem aslynda allanyňkydyr we meňki diýer ýaly biziň hiç zadymyz ýokdur hatda biziň aklymyz we beden agzalarymyz hem allanyň bagyş eden zadydyr . biz bolsa allanyň beren aklyndan we beden agzalaryndan peýdalanyň baýlyk gazanýandyrys oňa görä her kim allanyň beren bu nygmatlaryndan peýdalanyp köpräk baýlyk gazansa ol allanyň islegi boýunça garyp gasarlary hem goldamaga borçlydyr .

Gurhan kerimiň bu aýatynyň öwredýän sapaklary :

1- egerde elimizdäki barça baýlyklaryň we nygmatlaryň aslynda alla degişlidigini bilsek biz bu baýlyklara magtanman hökman şolardan garyp gasarlara kömek etjekdiris .

2- sadaka imanyň nyşanalaryndandyr we her kim sadaka bermese ol adamyň Alla kapyr bolmagy gaty mümkindir.

3- sadaka akylly adamlaryň ýagşy görýän işidir onda bir adam bu işi telek bilse onuň aklyna şek etmelidir.

Ýasyn süresi 48 ,49 we 50-njy aýatlar :

وَيَقُولُونَ مَتَى هَذَا الْوَعْدُ إِن كُنتُمْ صَادِقِينَ (48) مَا يَنظُرُونَ إِلَّا صَيْحَةً وَاحِدَةً تَأْخُذُهُمْ وَهُمْ يَخِصِّمُونَ (49) فَلَا يَسْتَطِيعُونَ تَوْصِيَةً وَلَا إِلَى أَهْلِهِمْ يَرْجِعُونَ (50)

<< kapyrlar : egerde dogry aýdýan bolsaňyz ( kyýamat barada berlen ) wadaň zamanyny aýdyp beriň diýýärler // aslynda olar dünýä barada jedel edýän ýagdaýlarynda asmandan olary gurşap aljak aýlyganç sesden aýry zada garaşýan däldirler //şol halda olar ne wesýet edip bilerler we nede öz içeri maşgalasynyň ýanyna dolanyp bilerler .>>

Gurhan kerim geçen aýatlarda kä kapyrlaryň allanyň buýruklary bilen jedel edýän diklerini beýan etmekden soňdan bu aýatlarda :

 Bu hilli adamlar kyýamaty masgaralap : kyýamatyň gopjak zamanyny bilmeýän ýagdaýňyzda näme üçin ondan gorkyp ýaşaýarsyňyz egerde kyýamat diýýän zadyňyz dogry bolsa onuň zamanyny aýdyň tä bizde oňa garaşaly diýip aýdýarlar diýip beýan edýär .

Gurhan kerim bu aýatlarda kapyrlaryň bildirýän bu şübhelerine jogap berip : bir wakaň gopjak zamanyny bilmezlik ol wakaň ýalanlygyny subut etmeýär, mysal üçin häli -şindi ýer yranmak ýüze çykýan sebitinde ýeriň gelejekde yranjakdygy hökmanydyr, edil şu mahal yranmaýar onda geljekde hem yranyp ýörmez diýip bolmaz diýip nygtaýar .

Kyýamat dilen zat allanyň gudraty we ylmy esasynda berkarar edilendir we onuň ýüze çykmagynda ynsanyň zerreçe ruly ýokdur.  Alla her wagt yrada etse kyýamat gopjakdyr ýer- gök çöwrülip hemme zatlar derbi dagan boljakdyr we bu ýagdaý şeýle bir tiz ýüze çykjakdyr weli hiç kim ondan gaçyp gutulyp biljek däldir .

Gurhan kerimiň bu aýatlarynyň öwredýän sapaklary :

1- kyýamaty inkär edýän kapyrlar kyýamaty ret etmekde hiç hili delili getirip bilýän däldirler eýsem kä soraglary ileri sürüp kyýamatyň ber-haklygyna şübhe girizjek bolup tagalla edýändirler .

2- kyýamat , allanyň beren wadasydyr onda , onuň zamanynyň näbellidigi , onuň bolmazlygyna delil däldir.

3- halyk köpçüligi özleriniň gündelik işlerine meşgul hallarynda kyýamat gopjakdyr .

4- kyýamatyň gopmagy bilen dünýädäki arabaglanşyklaryň hemmesi üzüljekdir. kyýamatda her kim öz başy bilen gaý boljakdyr.

//////////////