Bokuədə iyən Amerkə səfarətxanə vədə Azərbaycan Respublikavıjon etıroz aksiya.

Bukoədə Azərbaycan Respublika muxtəlifə cəmaəton Amerkə səfarətxanə vədə Bokuədə iyən Amerkə və siyonist rejimi planon mığobilədə bə Fələstin məzlumə milləti himoyə dorti kardero həçınin de Amerkə prezidenti tojə ğərol muxalifət karde xoto etıroz aksiya dəvonişone.

Bə Təsnim aqentiyəti raporti əsos Bə Məarifi Tərəf Dəvət nomo bıə iştimaiyə i bemoni uzvon de Azərbaycan Respublika muxtəlifə cəmaəton huzuri ijən Bokuədə Vaşenqtoni səfarətxanə vədə cəm bən və deştə etıroz aksiyaon elan kardən ki Telaviviku çı siyonist rejimi səfarətxanə bə Beytul-Mığəddəs ovoştoniye qıləy səhvə ğərole ki Amerkə prezident əy icra kardəşe.

Bə həminə raporti əsos etıroz əkəyon bə Amerkə və siyonist rejimi əleyh şuaron elan karde kənoədə Amerkə jıqonə hilə və məkrinə plani vədə bə Fələstini millət himoyə dorti kardışone.

İjən etıroz əkəyon de boydəğon rost karde siyonist rejimi dastiku Fələstin işğal bıə sərzəmin ozodəti tələb kardışone.

Ğeyd kəmon həminə boydəğonədə şuaroni bənə Ğuds çı mısılmonon i minə ğeblə iyən Ğərəboğ və Ğudsi ozodəti dərc bıə be.