Nati ğıymət 90 dollariku dəvardə

Pars Tudey-Qlobal nati ğıyməton Asiya vıjoronəda çın haftə iminə ticorəti ruji 3 fayiziku ziyodə bıə holədə,har barel 90 dollariku dəvardə.

Pars Tudey bə İroni Tele-Rədyo Mərkəzi istinodən doə məlumoti əsos,Brent marka xomə nati ticorət işambə ruji 2,69 dollar və ya 3,05 fayiz vey bıə holədə bə 90,79 dollari rəsə.In,dəvardə haftə ticorətədə Brent marka xomə nati ğıymət 15,9 dollar ziyod bıə holədə bə 90,79 dollari rəsə qıləy vaxte.Həmçinin,çe AİŞ-on Ğərbi Texas Intermediate marka xomə nati ğıymət 2,19 dollar və ya 2,65 fayiz ziyod bıə holədə bo bareliro bə 84,68 dollari rəsə. Nati ğıyməton vey bey de AİŞ-on oxonə 9 rujədə bə İroni zidd aqressivə hucumon bərpo kardey əloğədore.Nati ğıyməton ijən sənibəton rost beyədə və AİŞ bə İroni zidd dumoyandı nəvminə şəvi aqressivə hucumon bino beyədə,Britaniya Dıyo Əməliyyoton Mərkəzi dışambə ruji maştəvoni Omani sahilonədə həşt dıyo mayli məsofədə dıyo hodisə bə əməl omeyış bəyon kardə.