Bə tolışə fəalon iyən Rusiyə zid Azərbaycan Respublika devləti muxalifə rujnamə bıhton.

Azərbaycan Respublika Yeni Musavat rujnamə çı məmləkəti fəalə tolışonış bə separatçiyəti iyən rusiyəş bəvonku bə tərəfdarəti karde məhkumış karde.

Bə Aran xəbəriyə sayti xəbon əsosi Yeni Musavan nıvıştəşe siyasiyə muhacir Ataxan  Əbilov və Tolışi Sədo nəşriyə nakonə sər redəktor mərhum Nəvuzəli Məmmədovi həyat həmro Məriyən Məmmədova de sulh və demokratiya muəssisə rəis Leyla Yunis iyən çəy həyat həmro Arif Yunis Holləndiya məmləkətdə insonə həxonku orosə mudafiyəçi  de Svetlana Qannuşkina vindımonışon dəvoniyə.

Yeni musavat nıvıştəşe tolışə separatçion ki avropaədə bə Azərbaycan Respublika zid fəaliyyət kardən rusiyəku hidayət bedən.

Yeni musavat rujnamə reaksiya avropaədə bıə insonə həxon mudafiyəçion iyən tolışon fəaliyyəti vədə qıləy holədəy ki musavat partiya mincumlə İlham Əliyevi devləti muxalifə partiyaonkuy.

ım xəbə nəşr be qoya Boku devləti muxalifə rujnamədə qıləy şərayetəndəy ki çimi bə nav Azərbaycan Respublika tolışə rəhbəronku  xəylion mincumlə professor Nəvuzəli Məmmədov və çəy ailə bəzi uzvonku  dəhşətinə sorətədə bə ğətl rəsən.