Azərbaycan Respublika və siyonist rejimi miyono dustiyətionku tojə fakton.

Azərbaycan Respublika prezident çın kişvəri dustiyəti dıvlətiyə midal və nışoni bə siyonist rejimi Kenesetədə bıə israil çəmə kə nomo bıə partiya nımoyəndə doşe.

Bə Ğəfğaz mədəniyə mərkəzi raporti əsos İlham Əliyevi dəstorədə jıqo ğeyd bıə: İsrail və Azərbaycan Respublika miyono dustiyə həmkari və rabitəon inkişof doero ijən bə İsraili Kenesetədə dustiyə qrupi rəis Robert Viktoroviçi səy və cəhdon ğədrdonti kardero de dustiyəti midal və nışonə təşəkur bıbu.

İjən bə Azərtac aqentiyəti raporti əsos bo israil iştimaiyətiro beynəl xalğiyə planon icra karde təşkilati sədr Arye qot çı prezident Əliyevi moəku bıə ruji təbrik voteyro bə çəy fəaliyət iyən himoyəon ğədrdontiş kardə.

Jıqo çı Əliyev dıvləti və siyonist rejimi miyono əloğəon iyən rabitəon ğət bey tələb kardən.