Ərdoğan: Amerkə çı Fəthullah Quləni peştədəy.

Tırkiyə prezident təkidış kardə ki bə fakton əsos Tırkiyə 2016 nə sori hərbiyə peqardımonədə i minə mıttəhəm Fəthullah Guləni peştədə Amerkə himoyəonin.

Bə Fars aqentiyəti raporti əsos Rəcəb Təyyeb Ərdoğan çı Fransə səfəriku oqarde faxti , Ankaradə jurnaliston tono votışe: Fəthullah Quləni peştədə Amerkə himoyəonin və ısət Pensilvaniya şəhrədə Quləni kə çı Amerkə əmniyyəti və hərbiyə ğıvvon mıhofizədəy.

Rəcəb Təyyeb Ərdoğan Amerkə tərəfiku Fəthullah Guləni bə Tırkiyə təhvil nıdoeku tənğidış kardə və əlovəş kardə ki Tırkiyə kişvəri tələbon əvəzi əmmo Vaşenqton hələ Quləni bə Ankara oqordoniyəş ni.

Ərdoğan Suriyə şimalədə bə Kırdə qrupon çı Amerkə koməkon dəvom peydo kardeku həm ıştə niqərani elanış kardə və votışe: bo Tırkiyə və Amerkə miyono rabitəon çımiku vey xərob beyro co problemon və mıvzoon hestin.

Obama zəmoniku Tırkiyə vey kərə Fəthullah Quləni bə ım kişvər oqordoniye xoto tələbon bə Amerkə elan kardə be.