Ayətullah Amili bə MM İronəfobə deputaton cəvob doşe

İroni xalqi bə İslamə İnğilabi molyəton, həmən bəştə Rəhbəri sədağət numayiş karde, İronəfobə fitnəkaron plani bə puç bekarde, Az.R-ədə bəzu dairon anədə pərişon kardəşe ki, əvon hələən amoxt bıe zınedənin. Respublika MM bəzi bə pantırkə mərəzi mubtəlo bıə deputaton bə İroni xalqi islami nailiyyəton, və devlətə rəhbəriyyəti bıhton votə əməloku dast kəşe pidəşon ni.

"Nur-az.com"  bə "qafqaz.ir/az" sayti istinadən  xəbə dodə ki, Ərdəbil şəhəri imom cumə Ayətullah Seyid Həsən Amili ıştə dəvardə həftə cımmə nomoji xutbədə votəşe ki, " az bə ğəror oməbim, Azərbaycani  həxədə qəp nıjənım, ta ki ə tərəf bino nıko. Orəxnə hadisonədə əvon bə çəmə keşvəri ali məğaminə odəmon, bə çəmə tarix, din və məzhəbi ıştə hınə rəse ğədər dıjmon və təhğiron votışone. MM qıley deputati həmən Az.R əhali bə İroni xalqi dastəq nişon doe səbəbiuku təhğir kardışe. Az bımi ro bə Azərbaycani xalqi təsliyyət ərz kardedəm. Əlbəttə ki, ıştə xalqi təhğir kardə deputat beşək çe xalqi tərəfo ne, çe devləti xususi orğanon tərəfo vıjniə bıə. Hətto çımı bovəm heste ki, əv hiç tırkən ni. Çunki, tırkon və azərion çe barzə əxlağə mənəviyyati soybin. Dıjmon doe, təhğir karde bə zəifə əxlağinə və betərbiyə ailədə perəsə odəmon aid qıley xisləte".

İmom cumə həmən votəşe ki, ki isə əməni bə demokratiya dəvət kardeku əmə norohəti dəvunidənimon. Əmo bəştə dini əhli 460 sor zindonə cəzo bıriə qıley devləti rəsmiyon bo İroni çe demokratiya həxədə qəp je hiç qıley həxşon ni.