Marneuliədə Xanım Zəhra (s.ə) təvəllud ğeyd kardəşone
Qurcistani "Əhli-beyt (ə)" cəmiyyəti Marneuliədə de Xanım Zeynəb (sələvato əleyhə) mubarəkə təvəlludə ruji munasibəti tədbir dəvuniəşe. Çe muxtəlif mənətğəonku muəllim, valideyn və tələbon bı tədbirədə iştirakşon kardə. Tədbir de Ğıroni tilavəti bino bıə.
Cəmiyyəti muəllimə dini fəal Muluxsa Həsənova Həzrəti Zeynəb (s.ə) jimoni fəziləton barədə votemon kardəşe. Kərbəlayi Ramin və Məşhədi Anar bə Xanım Zeynəb və Məsumon (ə) şərəf ilahion handəşone. "Əhli-beyt" cəmiyyəti tələbon şeeron votəşone. Məclisi orəxədə bə tələbon hədiyyə təğdim kardəşone.
Şəkiədə isə şəhəri Xan məçiti bə muzey peqordınie ğərori əloğədar rayoni Turizm İdarə sərdar məciti odəmonku əvrey tərk karde tələb kardəşe. Əhali bə Ğışləğ məçit qırd bıə və bə rayoni rəhbəriyyəti ım ğərori ıştə etiraz bəyon kardəşe. Im hərəkət bey səbəb bıə ki, bə məçiti ərazi polis ğıvvon cəlb bıən. Dini fəalonədə 2 nəfər dəstqir kardəşone, badəşone bə polisə şebə. Im məçiton ərazi xeyli muddət çe polison nəzarəti jitono mandə . Ruji orəxədə həmonə 2 nəfər fəal sərbəst vadoəşone.
Im xəbə "Azadlıq.info" sayti bə Respublika cəmiyyəti nəzə rosniəşe.
Hokuməti bə Boku şəhəri Fatimeyi Zəhra(ə) məçiti munasibətədən təzyiğon dəvom kardedə. Bı rujonədə bə çey ərazi inşaatə materialon varde cəhd kardəşone, ım ərazi i hissə zəbt karde piəşone, əmo məciti camaati bımi imkan doəşon ni. Həmonə materialon məçiti əraziku xaricədə tey kardəşone.
