Davosədə İlham Əliyev və Benyamin Netanyahu miyono vindımon.

İsveçrədə bıə Davos iğtisodiyə iclosi kənoədə İlham Əliyev de siyonist işğal əkə rejimi i minə vəzir Benyamin Netanyahu vindımonış kardə.

Bə İrna raporti əsos ım mıloğatədə bə Buko və Telavivi miyono inkişofinə əloğəon təkid karde kənoədə elan be ki Benyamin Netanyahu bə Buko tojə səfər ım rejim və Buko dıvləti miyono həmkari və de tərəfiyə əloğəon inkişofi bois bıə.

Im mıloğatədə omə həmkarion barədə həm suhbət be.

Dəvardə sori Dekabrə manqədə siyonist hırdən əkıştə rejimi i minə vəzir Benyamin Netanyahu bo 7 saəti mıddət bə Azərbaycan Respublika səfərış kardə ki vey mısılmonə cəmaəti etıroz aksiyaon iyən mədəni oqarnon tənğidi bois bıə.

Im səfəri cərəyonədə bo Azərbaycan Respublika hərbi mərkəzonku çı siyonist rejimi cəsusi və etelaatiyə təşkilaton istifodə kardero çandə mığoviləon imzo be.

Siyonist rejimi hədəf həminə mığoviləonku məntəğədə ıştə nıfuzi ziyod karde heste.

Jıqo bə siyonist rejim xidmət kardeku xəbə omə ki tojədən çı Buko Diplomasiya Akademiya unniversitiədə qıləy məxsusə nımoyişqo bino be ijən 2 minə yolə mıharibə cərəyonədə bə yəhodion komək əkə Azəri diplomatonku ğədrdonti be.

Im mərasimədə ım rejimi səfarətxanə rəsmion həm huzurışon be.

Çımiku bə nav həm İlham Əliyev Azərbaycan Respublika dustiyəti dıvlətiyə nışon və midali bə siyonist hırdən əkıştə rejimi pesoxtə bıə parlamenti qıləy depat doşe.